जळगाव : रस्त्याने पायी जात असताना दुचाकीवरुन आलेल्या चोरट्याने रोहीत गजानन बोदडे (वय १७, रा.मुक्ताईनगर) या विद्यार्थ्याचा मोबाईल हिसकावून पळ काढल्याची घटना सोमवारी रात्री साडे बारा वाजता एकलव्य क्रीडा संकुलाजवळ घडली.याप्रकरणी मंगळवारी रामानंद नगर पोलीस स्टेशनला जबरी चोरीचा गुन्हा दाखल करण्यात आला.रोहित बोदडे हा शासकीय तंत्रनिकेतन मध्ये दुसऱ्या वर्षाला शिक्षण घेत आहे. तो भूषण कॉलनीतील अजित प्रल्हाद पाटील यांच्या मालकीच्या खोलीमध्ये अन्य मित्रासोबत भाडेतत्वावर राहतो. सोमवारी रात्री रोहित हा मित्र रितेष आणि आदित्य असे तिघे सहकारी सैन्य भरतीसाठी त्यांच्या खोलीवर आलेल्या मित्रांना सोडण्यासाठी पोलीस अधीक्षक कार्यालय येथे गेले होते. नंतर रात्री हे तिघे जण परत येत असताना एकलव्य क्रीडा संकुलनाजवळच्या रस्त्याने दुचाकीवरुन आलेल्या एकाने रोहित याच्या हातात असलेला पाच हजार किंमतीचा मोबाईल हिसकावून पसार झाला.
दुचाकीवरुन आलेल्या चोरट्याने विद्यार्थ्याचा मोबाईल लांंबविला
By लोकमत न्यूज नेटवर्क | Updated: November 28, 2018 11:54 IST