जळगावात ब्रोकरला मारहाण करुन तीन लाख लांबविले

नाशिकवाल्यांचे पैसे दे म्हणत चेतन लखीचंद छाजेड (३४, रा. चर्चच्या पाठीमागे,महाबळ परिसर) या ब्रोकरला तिघांनी त्यांच्यात कार्यालयात बेदम मारहाण केली. कॅबीनच्या काचेवर डोके आदळल्याने छाजेड रक्तबंबाळ झाले. दरम्यान, मारहाणीनंतर तिघांनी तीन लाख रुपये रोख व हातातील सोन्याच्या अंगठ्या लांबविल्याचा आरोप आहे. सोमवारी रात्री आठ वाजता शिवतीर्थ मैदानाच्या परिसरात ही घटना घडली.

ठळक मुद्दे शिवतीर्थ मैदानाजवळील घटना  ठार मारण्याची सुपारी घेतल्याची दिली धमकीकार्यालयाची तोडफोड

जळगाव : नाशिकवाल्यांचे पैसे दे म्हणत चेतन लखीचंद छाजेड (३४, रा. चर्चच्या पाठीमागे,महाबळ परिसर) या ब्रोकरला तिघांनी त्यांच्यात कार्यालयात बेदम मारहाण केली. कॅबीनच्या काचेवर डोके आदळल्याने छाजेड रक्तबंबाळ झाले. दरम्यान, मारहाणीनंतर तिघांनी तीन लाख रुपये रोख व हातातील सोन्याच्या अंगठ्या लांबविल्याचा आरोप आहे. सोमवारी रात्री आठ वाजता शिवतीर्थ मैदानाच्या परिसरात ही घटना घडली.           याबाबत सूत्रांनी दिलेली माहिती अशी की, चेतन छाजेड यांचे शिवतीर्थ मैदानाजवळ अंतरिक्ष भवनच्या शेजारी कार्यालय आहे. ते कार्यालयात असताना अचानक तीन ते चार जण तेथे आले. नाशिकच्या माणसाचे पैसे दे असे सांगत वाद घालायला सुरुवात केली. कोणते पैसे व कोण नाशिकचा माणूस असे छाजेड यांनी विचारले असता तिघांनी मारहाण करायला सुरुवात केली. दोघांनी त्यांना धरुन डोके कॅबीनच्या काचेवर आदळले, त्यामुळे डोक्यात काच घुसून ते रक्तबंबाळ झाले. कार्यालयातील अकाऊंट कुळकर्णी व सहकाºयांनी बचावासाठी धाव घेतली असता मारहाण करणारे पळून गेले. यावेळी हल्लेखोरांनी कार्यालयातील तीन लाख रुपये रोख व छाजेड यांच्या हातातील सोन्याच्या अंगठ्याही काढून घेतल्याची माहिती लोमेश सपकाळे यांनी दिली.