जळगावात सलग दुसऱ्या २० मार्केट कडकडीत बंद

बाहेर गावाहून आलेले ग्राहक परतले माघारी

ठळक मुद्देरोजंदारी कर्मचारी बसून३० कोटींची उलाढाल ठप्प

आॅनलाइन लोकमतजळगाव, दि. २२ - गाळेधारकांच्या बेमुदत बंदमुळे दुसºया दिवशी २० मार्केटमध्ये सर्वत्र शुकशुकाट पसरून बहुतांश ठिकाणी संचारबंदीचे स्वरुप आले होते. बंदमुळे जवळपास ३० कोटींची उलाढाल ठप्प झाल्याचा अंदाज व्यक्त करण्यात येत आहे. बंद दरम्यान अनेक ठिकाणी बुधवारी सकाळी गाळेधारक दुकानासमोर येऊन बसले होते तर काही ठिकाणी बैठे खेळ रगंले होते. दरम्यान, बंदमुळे बाहेरगावाहून आलेल्या ग्राहकांना माघारी परतावे लागले.गाळेधारकांच्या बंदच्या पार्श्वभूमीवर शहरातील २० मार्केटमध्ये पाहणी केली असता दुसºया दिवशीही सर्व मार्केटमध्ये कडकडीत बंद असल्याचे दिसून आले.भास्कर मार्केटमध्ये एक दुकान सुरूबंदमध्ये सर्व गाळेधारकांचा सहभाग असला तरी भास्कर मार्केट परिसरात टायपिंगचे एक दुकान सुरू असल्याचे दिसून आले.पूरक व्यवसायही बंदभास्करमार्केटमधील एक दुकान वगळता सर्व दुकाने बंद होत्या. या सोबतच गाळ््यांच्या समोर असलेले खाद्य पदार्थ, चहा यांच्या हातगाड्यादेखील बंद होत्या. त्यामुळे एरव्ही नेहमी रुग्णालयांमध्ये आलेल्या नातेवाईकांची असणारी गर्दीदेखील या परिसरात नव्हती.आंबेडकर मार्केटमध्ये शांतताडॉ. बाबासाहेब आंबेडकर मार्केट परिसरातील व्यवसाय बंद असल्यामुळे व्यावसायिक हातावर हात धरून बसले होते. बंदमुळे या परिसरात शांतता पसरलेली होती.रोजंदारी कर्मचारी बसूनशहरातील या २० मार्केटमधील दुकानांवर काम करणारे रोजंदारी कर्मचारी संख्यादेखील मोठी आहे. बंदमुळे हजारो कर्मचारी हातावर हात ठेवून बसून होते. बंदचा कर्मचाºयांना मोठा फटका बसत असून अजून किती दिवस रिकामे रहावे लागते, असा प्रश्न त्यांच्यासमोर उभा राहिला आहे.बी.जे. मार्केटमध्ये रंगले बैठे खेळजुने बी.जे. मार्केट परिसरात फेरफटका मारला असता या ठिकाणी अनेक दुकांनांसमोर काही दुकानमालक येऊन बसले होते. अनेक जण तर बैठे खेळांमध्ये रंगले होते तर काही जण मोबाईलवर खेळत बसले होते. या सोबतच या ठिकाणी कृषी बी-बियाणे, औषधी घेण्यासाठी येणारे बाहेरगावचे शेतकरीदेखील येऊन थांबले होते.महात्मा फुले मार्केटसमोर लागल्या रसवंतीच्या गाड्यामहात्मा फुले मार्केटचे प्रवेशद्वार आजही बंद होते. मध्ये कोणाराही जाता येत नव्हते. मार्केटच्या समोर फळ विक्रेते तसेच उसाच्या रसाच्या गाड्या लागलेल्या होत्या. एरव्ही दररोज फुले मार्केटमध्ये रसवंतीवर येणाºयांची गर्दी असते, त्याचा फायदा या रसवंतीच्या गाडीवाल्यांना झाला.खरेदीदार परतले माघारीफुले मार्केटमध्ये खरेदीसाठी दररोज जिल्ह्यासह आजूबाजूच्या जिल्ह्यातील खरेदीदार येत असतात. बुधवारीदेखील अनेक मंडळी येथे खरेदीसाठी आले. मात्र मार्केट बंद असल्यामुळे कोणताच माल येथे मिळू न शकल्याने खरेदीदारांना रिकाम्या हातीच माघारी परतावे लागले.सेंट्रल फुले मार्केटमधील हातगाड्या, टेबलही बंदसेंट्रल फुले मार्केटमध्येही सर्वत्र शांतता होती. आतमध्ये जाण्यासाठी असलेल्या प्रवेशद्वारावर हातगाड्या व दुचाकी लावण्यात आलेल्या होत्या. त्यामुळे आतमध्ये कोणालाच प्रवेश दिला जात नव्हता. दुकानांसोबतच बाहेर लागणाºया हातगाड्या, टेबलदेखील आज येथे नव्हते.टॉवर चौकातही बंदटॉवर खाली असलेल्या सर्व दुकानादेखील बुधवारी बंद होत्या. या सोबतच या परिसरात लागणारे कंबरपट्टा (बेल्ट), व्हॉलेट (पाकीट) यांची दुकानेदेखील लागलेली नव्हती.महात्मा गांधी मार्केट परिसरात घोळक्याने उभेमहात्मा गांधी मार्केटमधील सर्व दुकाने बंद होती. या ठिकाणी पायºयांवर काही मंडळी येऊन बसलेली होती. दुकानांसमोर अनेक जण घोळका करून उभे होते.शाहू मार्केट, जुने शाहू मार्केट बंदशाहू मार्केट तसेच जुने शाहू मार्केट परिसरातही कडकडीत बंद पाळण्यात येऊन सर्व दुकाने बंद असल्याचे या ठिकाणी दिसून आले.३० कोटींची उलाढाल ठप्प२० गाळे धारकांच्या बंदमुळे बाहेर गावाहून आलेले ग्राहकही माघारी परतल्याने व्यवसाय ठप्प होऊन जवळपास ३० कोटींची उलाढाल ठप्प झाल्याचा अंदाज व्यक्त केला जात होता. बंदच्या पहिला दिवशी जिल्हा व्यापारी महामंडळानेही दुपारी एक वाजेपर्यंत बंद पाळला. तसेच काही सुवर्ण व्यवसायिकांनीही बंद ठेवल्याने पहिल्या दिवशी उलाढाल ठप्प झाल्याचा आकडा जास्त वाढला होता.