जामनेर : नांद्रा हवेली, ता.जामनेर येथील महिलेच्या विनयभंग प्रकरणातील आरोपी नामदेव रामचंद्र नवधरे यास न्या. मुकुल चितळे यांनी एक वर्ष सक्तमजुरीची शिक्षा व तीन हजार दंडाची शिक्षा सुनावली. आरोपीने २२ आॅक्टोबर २०१५ रोजी फिर्यादी महिलेच्या घरात तिच्या मयत पतीच्या फोटोचे पाय पडण्याच्या निमित्ताने गेला व तिचा विनयभंग केला होता. जामनेर पोलीस ठाण्यात दाखल या गुन्ह्यात न्यायालयाने चार साक्षीदार तपासले. सरकारी वकील अ‍ॅड.कृतिका भट यांनी बाजू मांडली. सहाय्यक फौजदार संभाजी पाटील व हवालदार सोनवणे यांनी सहकार्य केले.