जळगाव : येथून अहमदाबाद आणि मुंबई येथे जाण्यासाठी विमान सेवा आहे. ही विमानसेवा आता पर्यंत बुधवारी आणि रविवारी सुरू होती आता शनिवारी देखील विमानसेवा सुरू करण्यात आली असल्याची माहिती विमानतळ प्राधिकरणाचे सुनिल मग्गिरवार यांनी दिली.
विमान सेवा पुरवणारी कंपनी ट्रु जेटकडून या आधी दर बुधवारी आणि रविवारी मुंबई ते जळगाव आणि जळगाव ते अहमदाबाद अशी विमान सेवा दिली जात होती. आता त्यात शनिवारी देखील सेवा दिली जाणार आहे. त्यामुळे जिल्ह्यातून मुंबई आणि अहमदाबाद येथे कामानिमित्त जाणाऱ्यांना त्याचा फायदा होणार आहे.
गेल्या काही महिन्यांमध्ये बुधवारी आणि रविवारी मिळणाऱ्या या सेवेला चांगला प्रतिसाद लाभला आहे. त्यामुळे विमान कंपनीने शनिवारी देखील ही सेवा सुरू केली आहे. रविवारी सकाळी ११.४० वाजता विमान जळगावहुन मुंबईसाठी रवाना होईल तर बुधवारी आणि शनिवारी दुपारी ३.४५ वाजता जळगावहून मुंबईकडे उड्डाण करणार आहे. अहमदाबादला जाणारे विमान आता बुधवारी आणि शनिवारी सायंकाळी ७.१० वाजता तर रविवारी ३.१० वाजता उड्डाण करणार आहे.