ठळक मुद्देआदर्श हॉटेल समोरील घटनाट्रकचालकाच्या प्रसंगावधानाने तरूण बचावलादुचाकीस्वार सुखरुप
जळगाव - महामार्गावरील हॉटेल आदर्शसमोरून जात असलेल्या ट्रकला विरूध्द दिशेने ओव्हरटेक करताना दुचाकीवरील भावंडांपैकी मागे बसलेला सुपडू गोकुळ कुंभार (वय-३१, रा़ पुनगाव, ता़ यावल) याचा तोल जाऊन ट्रकच्या मागच्या चाकाखाली आला़ मात्र, ट्रक चालकाच्या प्रसंगावधानाने सुपडू हा बचावला, परंतू पाय व कान चिरडले जाऊन गंभीर जखमी झाला़ ही घटना शुक्रवारी दुपारी ३़४५ वाजेच्या सुमारास घडली़ या घटनेत दुचाकीचालक दिपक गोकुळ कुंभार (वय-२९) यास काहीही झालेले नाही़घटनास्थळावरून ट्रकचालक पसार झाल्यानंतर त्याने शहरात राहणाऱ्या नातेवाईकांना घटनेची माहिती दिली़ त्यानंतर चालक हा नातेवाईकांसह दुपारी पोलीस ठाण्यात हजर झाला. याठिकाणी त्याने संपूर्ण घटना पोलिसांना सांगितली़