- भूषण श्रीखंडेजळगाव - श्रीमंत बाजीराव पेशवे यांच्या जयंतीनिमित्त ब्राह्मण प्रीमियर लीग व समस्त ब्राह्मण समाज संघटनेतर्फे जळगाव शहरात शुक्रवारी रात्री सात वाजता मशाल रॅली काढण्यात करण्यात आली.
स्वातंत्र्य चौकातील स्वातंत्र्यवीर सावरकर यांच्या पुतळ्यावर पुष्पवृष्टी करून मशाल रॅलीला सुरुवात झाली. मशाल रॅलीत श्रीमंत बाजीराव पेशवे व छत्रपती शिवाजी महाराज यांचा जयघोष करण्यात आला. बस स्थानक मार्गे कोर्ट चौकातील छत्रपती शिवाजी महाराज यांच्या पुतळ्याला मानवंदना तसेच पुष्पवृष्टी करून मशाल रॅलीचा समारोप करण्यात आला. रॅलीत बहुभाषिक ब्राह्मण संघाचे अध्यक्ष, ब्राह्मण प्रीमियरलीग चे संस्थापक अध्यक्ष अजित नांदेडकर, समस्त ब्राह्मण संघाचे दीपक जोशी, लेखराज उपाध्याय, संजय व्यास, ब्राह्मण महिला मंडळाच्या मनीषा दायमा, भूपेश कुलकर्णी, भूषण मुळे, मोहन तिवारी, कैलास पांडे, गोविंद तिवारी, शिवप्रकाश शर्मा, महेंद्र पुरोहित आदी समाज बांधव सहभागी झाले.