क्रिकेटवरुन हाणामारी पती- पत्नीस मारहाण

सहा जणांविरुद्ध गुन्हा

नशिराबाद : क्रिकेट खेळण्यावरुन वाद होऊन त्याचे पर्यावसान हाणामारीत झाल्याची घटना मन्यारखेडा ता. जळगाव येथे बुधवारी दुपारी घडली. यात पती- पत्नी जखमी झाले आहेत. या प्रकरणी सहा जणांविरुद्ध गुन्हा दाखल करण्यात आला आहे.मन्यारखेडा येथे काही तरुण मोकळया जागेवर क्रिकेट खेळत होते. क्रिकेटचा चेंडू किराणा दुकानात आला. दौलत श्रीराम राठोड यांनी क्रिकेट खेळणाऱ्यांना हटकले व लॉकडाऊन असतांना तुम्ही क्रिकेट कसे खेळतात. पुन्हा माझ्या दुकानात चेंडू येता कामा नये, अन्यथा पोलिसात जाईल असे राठोड यांंनी म्हटले. याचा राग आल्याने नवनाथ शिंदे यांनी तुम्हाला काय करायचे ते करा असे सांगत दौलत राठोड यांच्या डोक्यात बॅट मारली व त्यांची पत्नी आशा राठोड यांना लाथाबुक्क्यांनी मारहाण व शिवीगाळ केली, अशी फिर्याद राठोड यांनी दिली .नवनाथ शिंदे ,सरला शिंदे, गजानन, सचिन, मोतीराम, अजय ( पूर्ण नाव माहीत नाही) या सहा जणांविरुद्ध गुन्हा दाखल आहे. सहाय्यक पोलीस निरीक्षक प्रवीण साळुंखे ,सहाय्यक पोलीस निरीक्षक सचिन कापडणीस,प्रवीण ढाके ,बाळू पाटील तपास करीत आहेत.