हमाल माथाडीचे कामबंद आंदोलन सुरू

शासन निर्णयाचा विरोध करण्यासाठी हमाल-माथाडींनी बुधवारपासून कामबंद आंदोलनास सुरुवात केली.

ठळक मुद्देमाथाडी कायद्याची अंमलबजावणी करावीहमालांच्या पाठीवरील लिलाव कंत्राट पद्धत बंद करावी

बोदवड, जि.जळगाव : शासन निर्णयाचा विरोध करण्यासाठी हमाल-माथाडींनी बुधवारपासून कामबंद आंदोलनास सुरुवात केली.पणन संचालकांनी १६ डिसेंबर २०१४ रोजी इलेक्ट्रीक व भोईतोल काट्याच्या तोलाई कपातीस स्थगिती दिली होती. त्याच्याविरोधात राज्य हमाल माथाडी संघाने विरोध करीत बेकायदेशीर परिपत्रक स्थगित करण्यास भाग पाडले होते. परंतु पुन्हा १ डिसेंबर २०१८ पासून सदर परिपत्रकावरील स्थगिती हटविण्याचे आदेश काढण्यात आले असून, या परिपत्रकविरोधात राज्य हमाल माथाडी १२ रोजीपासून काम बंद आंदोलन सुरू केले आहे.मागण्याचे निवेदन उपनिबंधकांंना देण्यात आले. त्यात हमाल-माथाडींना बाजार समितीचे नोकर म्हणून घोषित करावे व बाजार समितीत सवमावून घ्यावे, राज्यातील शासकीय गोदामामधील हमालांचे पाठीवरील लिलाव कंत्राट पद्धत बंद करावी, जिल्ह्यात माथाडी कायद्याची अंमलबजावणी काटेकोरपणे व्हावी या मागण्याचे निवेदन बुधवारी हमाल-माथाडी बांधवांनी दिले. निवेदनावावर शांताराम चौधरी, सुभाष जवरे, रमेश गावंडे, भिकू रेंगे, गोपाल बडगुजर, कैलास वाणी, अजय शेळके, अजय पाटील आदींच्या स्वाक्षऱ्या आहेत.