ठळक मुद्देजनावरे होरपळली,शेती साहित्य खाक,पावणेदोन लाखाचे नुकसानठिबक सिंचन संच, फायबरच्या टाकीचे नुकसान
भडगाव : भडगाव तालुक्यातील बांबरुड प्र. ब. येथील शेतकरी भिकन बुधा परदेशी यांच्या शेतातील पत्र्याच्या शेडला अचानक आग लागली. या आगीत २ शेळ्या होरपळून ठार झाल्या. आगीत भाजल्याने ३ गायी, १ म्हैस, १ पारडू गंभीर जखमी झाले असून अत्यवस्त स्थितीत आहेत. ठिबक सिंचन संच, चारा कुटटी, शेड, फायबरची टाकी आदी साहित्य जळून खाक झाले आहे. या आगीत सुमारे १ लाख ८४ हजार रुपयांचे नुकसान झाल्याचा पंचनामा महसूल विभागातर्फे करण्यात आला आहे. आगीची ही १८ डिसेंबर रोजी रोजी पहाटे ४ वाजेच्या सुमारास घडली. आगीचे कारण समजू शकले नाही.