ठळक मुद्दे मोहाडी येथे घडली होती घटनादोघांना बजावल्या नोटीसा
जळगाव : तालुक्यातील मोहाडी येथील कलाबाई मधुकर वाघ (५१) व मुलगा सुकलाल वाघ यांच्यावर लोखंडी आसारीने हल्ला करणाºया सुनील शिवाजी भालेराव, अविनाश सुनील भालेराव, मनोज शिवलाल बि-हाडे व शिवदास बि-हाडे या चौघांना शनिवारी एमआयडीसी पोलिसांनी अटक केली. अलकाबाई नागराज ढिवरे व एका अल्पवयीन मुलास नोटीस बजावण्यात आली आहे.मोहाडी येथे १ मे रोजी सायंकाळी ६ वाजता जुन्या वादातून सहा जणांनी कलाबाई वाघ यांच्यासह कुटुंबाला बेदम मारहाण करुन जीवे ठार मारण्याची धमकी दिली होती. या घटनेत कलाबाई वाघ या गंभीर जखमी झाल्या होत्या. याप्रकरणी २ रोजी गुन्हा दाखल झाला होता. उपनिरीक्षक योगेश शिंदे व संदीप पाटील यांनी शनिवारी चौघांना मोहाडीतून अटक केली.