चाळीसगाव,दि.2 - मुलीच्या लग्नाची पत्रिका वाटप करण्यासाठी येताना झालेल्या अपघातात धुळे येथील पिता व पुत्राचा मृत्यू झाला. खडकी सीम फाटय़ादरम्यान मंगळवार 2 रोजी सकाळी साडे दहा वाजेच्या सुमारास हा अपघात झाला.
धुळे येथील मार्केट यार्ड भागातील नवनाथ नगरातील रहिवासी नामदेव वामन वाडीले (वय 50), राकेश नामदेव वाडीले (वय 25) व यश संजय हरणे (वय 19) हे धुळ्याहून चाळीसगावकडे लग्नपत्रिका वाटपासाठी होते. त्यांच्या दुचाकीला धुळ्याकडे जाणा:या डंपरने (एमएच 45/1947) धडक दिल्याने नामदेव वाडीले व राकेश वाडीले हे दोघे पितापुत्र ठार झाले. तर यश हरणे हा जखमी झाला. नामदेव वाडीले यांच्या मुलीचा विवाह 18 रोजी धुळ्यात होणार असल्याने लग्नपत्रिका वाटपासाठी ते जात होते. (वार्ताहर)