जळगाव : जिल्हा न्यायालयातील जिल्हा विधी सेवा प्राधिकरणाच्या कार्यालयात झालेली चोरी तेथे ड्युटीला असलेल्या चार पोलिसांना चांगलीच भोवली आहे. या प्रकरणी हवालदार राजेंद्र भिका चव्हाण, कॉ.प्रवीण शंकर वाघ, राजेंद्र प्रताप दोडे व राहूल अरुण पारधी या चार पोलिसांना निलंबित करण्यात आले आहे. पोलीस अधीक्षक डॉ.पंजाबराव उगले यांनी सोमवारी ही कारवाई केली. जिल्हा विधी सेवा प्राधिकरणाचे सचिव के.एच.ठोंबरे यांच्या कार्यालयात ३ ऑगस्टच्या रात्री चोरट्यांनी रोख रक्कम हाती न लागल्याने बाथरुममधील नळ चोरुन नेले होते. याप्रकरणी शहर पोलीस स्टेशनला गुन्हा दाखल झाला होता. या घटनेची चौकशी झाली होती. त्यात ड्युटीवर असलेल्या चार कर्मचाऱ्यांनी हलगर्जीपणा केल्याचे निष्पन्न झाले होते.
न्यायालयातील चोरी प्रकरण भोवले; जळगावात चार पोलीस निलंबित
By ऑनलाइन लोकमत | Updated: August 26, 2019 22:00 IST