ठळक मुद्देपावसाचा खंड पडल्याने वाढले प्रमाणआर्थिक नुकसान होण्याची शक्यता अधिकपिकांवरील किडरोगांमध्ये झाली वाढ
जळगाव : जिल्ह्यात २९ जुलै पासून तब्बल १३ दिवस पावसाने खंड दिल्याने पिकांवरील किडरोगांमध्ये वाढ झाली असून कपाशीवरील बोंडअळीचा प्रादुर्भाव वाढला आहे. ५ हजार हेक्टर क्षेत्रावरील प्रादुर्भाव आर्थिक नुकसानीच्या पातळीवर गेला असल्याची नोंद कृषी विभागाच्या दप्तरी झाली आहे.मागील वर्षी बोंडअळीमुळे कपाशीचे मोठे नुकसान झाले होते. त्यामुळे कपाशीच्या ५ लाख १० हजार ९१३ हेक्टर क्षेत्रापैकी यंदा ४ लाख ८६ हजार ७६१ हेक्टर क्षेत्रावरच म्हणजेच ९५.२७ टक्के क्षेत्रावरच यंदा कपाशीची लागवड झाली आहे. तसेच जनजागृतीही सुरू आहे. मात्र तरीही कपाशीवर बोंडअळीचा प्रादुर्भाव झाला आहे.