ठळक मुद्देजीवित हानी टळलीनागरिकांनी दाखवली समयसुचकता
गोपाळ व्यासबोदवड : धावत्या कारने अचानक पेट घेतला. यात सुदैवाने जीवित हानी टळली. ही घटना मंगळवारी सकाळी साडेअकराला शहरातील शारदा कॉलनीजवळ बोदवड-भुसावळ रस्त्यावर घडली.भुसावळहून बोदवडकडे भरधाव वेगाने येत असलेल्या चार चाकीने अचानक पेट घेतला. त्यात संपूर्ण चार चाकी जळून खाक झाली. सुदैवाने चालक उतरुन गेल्याने वाचला.ही चार चाकी तालुक्यातील साळशिंगी गावातील असल्याची माहिती मिळत आहे.घटनेनंतर कारचालक घटनास्थळी दिसून आला नाही.आजूबाजूच्या नागरिकांनी पाण्याचा टँकर आणला आणि आग आटोक्यात आणली. अन्यथा या चार चाकीमध्ये असलेल्या गॅस टाकीचा स्फोट झाला असता. नागरिकांच्या जागरुकतेमुळे मोठी दुर्घटना टळली.