भडगाव तालुक्यात ७ ग्रामपंचायतींच्या पोटनिवडणुका

बोरनार ग्रामपंचायतीच्या लोकनियुक्त सरपंच पदासह एकूण ६ सदस्य पदाच्या जागांसाठी पोटनिवडणूक होत आहे

ठळक मुद्देबोरनार येथे लोकनियुक्त सरपंचासह ६ सदस्य जागांसाठी पोटनिवडणूकसरपंच आरक्षण अनुसूचित जाती प्रवर्गाच्या महिलेसाठी राखीव

भडगाव, जि.जळगाव : तालुक्यातील बोरनार ग्रामपंचायतीच्या लोकनियुक्त सरपंच पदासह एकूण ६ सदस्य पदाच्या जागांसाठी पोटनिवडणूक होत आहे, तर भट्टगाव, लोणपिराचे, वडगाव बुद्रूक, पिंप्रीहाट, आंचळगाव, अंतुर्ली बुद्रूक या ठिकाणी प्रत्येकी एका सदस्याच्या जागेसाठी पोटनिवडणुका होत आहेत. अशा एकूण ७ ग्रामपंचायतींच्या एकूण १२ सदस्य पदांसाठी पोटनिवडणूक होत आहे.
बोरनार येथे लोकनियुक्त सरपंच पदासाठीचे आरक्षण अनुसूचित जाती प्रवर्गाच्या महिलेसाठी राखीव आहे. यासाठी मीना रवींद्र बोराडे व सुनंदा अंकुश बोराडे या २ महिलांचे अर्ज प्राप्त झाले आहेत. उमेदवारी माघारीची तारीख २५ नोव्हेंबर आहे. ८ डिसेंबर रोजी मतदान तर ९ डिसेंबरला मतमोजणी होणार असल्याची माहिती निवडणूक विभागाचे लिपीक विनोद माळी यांनी दिली.