मतदान केंद्रस्तरावर मतदार यादीत छायाचित्र नोंद घेणे सुरू आहे. मतदार याद्या अद्ययावत करण्याचे काम सध्या हाती घेण्यात आले असून, घनसावंगी विधानसभा मतदार संघातील ३ हजार ३४६ मतदार व बदनापूर विधानसभा मतदारसंघातील अंबड तालुक्याच्या २ हजार ५३४ असे एकूण ५ हजार ८८० मतदारांची छायाचित्र यादीत नाहीत. मतदान केंद्रस्तरीय अधिकाऱ्यांमार्फत त्याचे संकलन सुरू आहे. ज्या मतदारांचे छायाचित्र नाही, त्यांची नावे वगळण्यात येणार असल्याचे तहसील कार्यालयाकडून सांगण्यात आले. भारत निवडणूक आयोगाच्या सूचनेनुसार मतदार यादी शुद्धीकरण मोहीम सुरू करण्यात आली असून, मतदार यादीत फोटो नसलेल्या मतदारांची छायाचित्रे जमा करणे, त्रुटी दूर करणे आदी कामे सध्या सुरू आहेत. मतदारांनी आपले छायाचित्र अद्ययावत करून घ्यावे, असे आवाहन निवडणूक विभागाच्या वतीने करण्यात आले आहे.
कोटसाठी जागा सोडा