Woman Attempt To Open Flight Door : जगभरातून विमानात घडणाऱ्या अजब घटना नेहमीच समोर येत असतात. अनेकदा काही अपघात होतात तर काही वेळा प्रवाशांमुळे काही घडत असतं. अशीच एक अजब घटना समोर आली आहे. एक महिला अचानक उडत्या विमानाचं गेट उघडत होती. त्यानंतर विमानात एकच गोंधळ झाला.
ही घटना अमेरिकेतील आहे. मीडिया रिपोर्ट्सनुसार, हे विमान टेक्सासहून ह्यूस्टन शहरातील ओहियोच्या कोलंबसला जात होती. असं सांगितलं जात आहे की, हे विमान 37 हजार फूट उंचीवर पोहोचलं होतं. तेव्हाच एक महिला सीटवरून उठली. या महिलेचं नाव एलोम एगबेग्निनौ आहे आणि ती 34 वर्षांची आहे.
आधी तर कुणाच्या काही लक्षात आलं नाही की, महिला जागेवरून का उभी झाली. पण जेव्हा ती गेट उघडू लागली तेव्हा एकच गोंधळ झाला. एका व्यक्तीने तिला रोखण्याचा प्रयत्न केला तर तिने त्याला मांडीवर चावा घेतला. त्यानंतर फ्लाइट अटेंडेंटने तिला विचारलं की, ती अशी का करत आहे तर महिलेने तिलाही मारहाण केली.
नंतर तिला कसंतरी पकडण्यात आलं आणि विमानाचं एमरजन्सी लॅंडींग करण्यात आलं. यानंतर महिलेला अटक करण्यात आली. हैराण करणारी बाब म्हणजे महिलेला जेव्हा विचारण्यात आलं की, तिने असं का केलं? तर तिने सांगितलं की, जीससने तिला असं करण्यास सांगितलं. सध्या या घटनेची चौकशी केली जात आहे.