मॉस्को - विमानात अनेकदा सहप्रवाशांच्या प्रतापामुळे त्रास सहन करावा लागत असतो. प्रवाशांच्या वेगवेगळ्या त-हा आणि त्यांच्या गैरवर्तवणुकीचा सामना इतरांना करावा लागत असतो. कधी कोणी अश्लील कृत्य करत असतं, तर अनेकदा एखाद्या प्रवाशाचं लहान मूल रडून रडून तुमच्या सुखद प्रवासाचं स्वप्न भंग करत असतं. अनेकदा अशा परिस्थितींमध्ये इतर प्रवासी शांत बसून प्रवास कधी संपेल याची वाट पाहत असतात. पण सध्या एका तरुणीचा विमानातील व्हिडीओ व्हायरल होत आहे ज्यामध्ये ती विचित्रपणे वागत आहे. प्रवाशांनी भरलेल्या विमानात ही महिला प्रवासी आपलं अंतर्वस्त्र काढून सुकवत आहे. तरुणीचं हे वागणं पाहून इतर प्रवासी मात्र आश्चर्यचकित झाले होते. तरुणीचा विमानातील व्हिडीओ सध्या सोशल मीडियावर व्हायरल होत आहे.
रशियामधील उरल एअरलाइन्समध्ये हा प्रकार घडला आहे. हे विमान टर्कीमधील अंटाल्या येथून रशियाची राजधानी मॉस्कोच्या दिशेने प्रवास करत होतं. यावेळी विमानात अचानक एक तरुणी आपलं अंतर्वस्त्र डोक्यावर असलेल्या एसीजवळ नेऊन सुकवण्याचा प्रयत्न करु लागली. जवळपास एक मिनिटाच्या व्हिडीओत तरुणी हे करत असल्याचं दिसत आहे. विमानातच प्रवास करणा-या एका प्रवाशाने यावेळी तरुणीचा व्हिडीओ शूट केला. सध्या हा व्हिडीओ व्हायरल होत आहे.