Who is Sabina Kafle: नेपाळमध्ये रॅपर ते राजकारणी असा प्रवास केलेले बालेन शाह पंतप्रधान होण्याच्या दिशेने वेगाने वाटचाल करत आहेत. त्यांची चर्चा संपूर्ण इंटरनेटवर सुरु आहे. आरएसपीच्या प्रभावी कामगिरीनंतर, पंतप्रधानपदावरील त्यांचा दावा बळकट झाला आहे. या सगळ्यामध्ये, बालेनसोबत पाठिंबा देणारी महिला देखील चर्चेत आली आहे. ही महिला म्हणजे त्यांची पत्नी (Nepal 'future PM' Balen Shah wife) सबिना काफले. सध्या बालेन यांच्यानंतर, त्यांची पत्नी सबिना ही नेपाळमध्ये सर्वात जास्त चर्चेत असलेली व्यक्ती आहे.
बालेनच्या यशात सबीना हिने महत्त्वाची भूमिका बजावली आहे. बालेन स्वतः राजकीय व्यासपीठांवर याबद्दल अनेक वेळा बोलले आहेत. बालेन शाह म्हणतात की सफिलाला भेटल्यानंतर त्यांचे जीवन लक्षणीयरीत्या बदलले. सुरुवातीला त्यांना केवळ सबिना यांच्या संगीतावर प्रेम जडले होते. पण सफिलाला भेटल्यानंतर त्यांनी देशाच्या आणि तेथील लोकांच्या मूलभूत सुविधांबद्दल विचार करायला सुरुवात केली. बालेन म्हणतात की त्यांना सफिलाच्या कविता आवडतात.
सबिना काफले कोण आहे?
सबिना काफले ही नेपाळमधील मोरांग जिल्ह्यातील उरलाबारी येथील आहे. सबिना यांनी नोबल कॉलेजमधून सार्वजनिक आरोग्य विषयात पदवी घेतली आहे आणि त्यांनी दीपल्टा ही कादंबरी लिहिली आहे. सबिना ही एक कवयित्री आणि लेखिका आहे, जी प्रेम आणि जीवनाबद्दलच्या भावनिक आणि अर्थपूर्ण लेखनासाठी ओळखली जाते. शिवाय, तिने सोशल मीडियावर प्रेम कविता शेअर केल्या. या कवितांनी बालेन शाहचे मन जिंकले. रॅपर आणि गीतकार म्हणून आधीच ओळखले जाणारे बालेन शाह सबीनाच्या लेखनाच्या प्रेमात पडले आणि येथूनच त्यांची प्रेमकहाणी सुरू झाली.
साधेपणा आणि कवितेने जिंकलं मन
मीडिया रिपोर्ट्सनुसार, २०१७ मध्ये एका साहित्यिक कार्यक्रमात दोघांची भेट झाली. बालेनने एका व्यासपीठावरून सांगितले होते की, सबीनाच्या साधेपणाने आणि तिच्या कवितेने त्याचे मन जिंकले होते. त्यानंतर तो सबीनाशी बोलू लागला. काही भेटींनंतर ही मैत्री प्रेमात बदलली. फेब्रुवारी २०१८ मध्ये, बालेन आणि सबीनाने मोरंगमधील उरलाबारी येथे एका अतिशय साध्या समारंभात लग्न केले. असे म्हटले जाते की दोन्ही कुटुंबातील काही जवळचे नातेवाईकच लग्नाला उपस्थित होते. लग्नानंतर जवळजवळ साडेचार वर्षांनी २०२३ मध्ये, बालेन आणि सबीना एका मुलीचे आई-बाबा बनले.
Web Summary : Balen Shah, Nepal's potential PM, credits his wife Sabina Kafle for transforming his life. Her poetry and simplicity inspired him to address fundamental issues, shaping his political path. They married in 2018 and became parents in 2023.
Web Summary : नेपाल के संभावित प्रधानमंत्री बालेन शाह अपनी पत्नी सबीना काफले को अपने जीवन को बदलने का श्रेय देते हैं। उनकी कविता और सादगी ने उन्हें बुनियादी मुद्दों को संबोधित करने के लिए प्रेरित किया, जिससे उनका राजनीतिक मार्ग प्रशस्त हुआ। उन्होंने 2018 में शादी की और 2023 में माता-पिता बने।