Blaise Metreweli MI6 Chief: जेम्स बाँड या काल्पनिक चित्रपटामुळे MI6 सीक्रेट इंटेलिजेंस सर्व्हिस (SIS) ला जगभरात लोकप्रियता मिळाली. आता ही एजन्सी पुन्हा एकदा चर्चेत आली आहे. पण यावेळी चर्चेत येण्याचे कारण कोणताही चित्रपट नाही, तर MI6 मध्ये सर्वोच्च पदावर एका महिला अधिकाऱ्याची झालेली नियुक्ती. पंतप्रधान केयर स्टारमर यांच्या डाउनिंग स्ट्रीट कार्यालयाने एका निवेदनात म्हटले आहे की केयर मेट्रेवेली या MI6चे १८व्या प्रमुख असतील.
पंतप्रधान केयर स्टारमर म्हणाले...
पंतप्रधान केयर स्टारमर म्हणाले की, ब्लेझ मेट्रेव्हेली यांची नियुक्ती ऐतिहासिक आहे. ही नियुक्ती अशा वेळी झाली आहे, जेव्हा आपल्या गुप्तचर सेवांचे काम पूर्वीपेक्षा जास्त महत्त्वाचे झाले आहे. युनायटेड किंग्डमला अनेक धोक्यांचा सामना करावा लागत आहे. काही वेळा हल्लेखोरांचा धोका असतो, कधी पाण्यात गुप्तचर जहाजे पाठवली जातात, तर कधी सार्वजनिक सेवांमध्ये व्यत्यय आणणारे हॅकर्स त्रास देतात. अशा वेळी MI6चे काम खूप वाढले आहे.
कोण आहेत ब्लेझ मेट्रेवेली?
ब्लेझ मेट्रेवेली या MI6 मध्ये डायरेक्टर जनरल टेक्नोलॉजी अँड इनोवेशन या पदावर आहेत. त्यांनी यापूर्वी MI5 मध्ये डायरेक्टर स्तरावरील भूमिका बजावली होती. त्या एक करिअर इंटेलिजेंस अधिकारी आहेत. १९९९ मध्ये केस ऑफिसर म्हणून त्या सेवेत रुजू झाल्या. त्यांनी सेवेत विविध भूमिका बजावल्या आहेत. त्यांनी त्यांच्या कारकिर्दीचा बहुतांश काळ मध्य पूर्व आणि युरोपमध्ये ऑपरेशनल कामात घालवला. त्यांनी केंब्रिजमधील पेम्ब्रोक कॉलेजमधून मनुष्य विज्ञानाचा अभ्यास केला आहे.