"हे काय केलं...?" इराणसोबत युद्ध सुरू असतानाच अमेरिका संतापली, इस्रायलनं कुठे केला एवढा भीषण हल्ला?

अमेरिकेने यावर तीव्र नाराजी व्यक्त केली आहे. युद्धाला इतक्या टोकापर्यंत भडकवणे चुकीचे असून, यामुळे सामान्य जनतेला नाहक त्रास होत असल्याची भूमिका अमेरिकेने घेतली आहे.

इस्रायल आणि अमेरिकेने २८ फेब्रुवारीला इराणवर संयुक्त हल्ला केला आणि युद्धाला तोंड फुटले. मात्र आता एका हल्ल्यावरून अमेरिकाइस्रायलवर संतापल्याचे वृत्त आहे. खरेतर, इस्रायलने इराणच्या तेल डेपोंवर (Oil Depots) केलेल्या एका भीषण हल्ल्याने अमेरिका संतापली आहे. अमेरिकेने यावर तीव्र नाराजी व्यक्त केली आहे. युद्धाला इतक्या टोकापर्यंत भडकवणे चुकीचे असून, यामुळे सामान्य जनतेला नाहक त्रास होत असल्याची भूमिका अमेरिकेने घेतली आहे.

इस्रायलनं केला असा दावा -मात्र, "ज्या ऑईल फॅसिलिटीजवर हल्ला झाला, त्यांचा वापर क्षेपणास्त्र लाँचर्समध्ये इंधन भरण्यासाठी केला जात होता, असा दावा इस्रायलने केला आहे. पण, 'Axios' च्या वृत्तानुसार, अशा स्वरूपाच्या भीषण हल्ल्याची अपेक्षा अमेरिकेला नव्हती. एका अमेरिकन अधिकाऱ्याने या हल्ल्याबद्दल आश्चर्य व्यक्त केले, तर इस्रायली अधिकाऱ्यांच्या मते अमेरिकेची प्रतिक्रिया "तुम्ही हे काय केले?" अशा स्वरूपाची आणि धक्कादायक होती.

तेहरानचे संपूर्ण आकाश काळेकट्ट... -महत्वाचे म्हणजे, अमेरिकन अथवा इस्रायली अधिकाऱ्यांनी या मुद्द्यावर उघडपणे भाष्य केलेले नाही. इस्रायलच्या या हल्ल्यात तेहरानमधील तीन तेल डेपो आणि एका रिफायनरीचे मोठे नुकसान झाले आहे. या हल्ल्यानंतर तेहरानमध्ये एवढा धूर निर्माण झाला की, ते संपूर्ण काळे झाले. आजूबाजूच्या इमारती आणि इतर भागांवर तेलाचा जाड थर जमा झाला आहे, ते साफ करणेही कठीण झाले आहे. शिवाय, आकाशात साचलेला धूर आता हळूहळू वितळत आहे आणि टपकत आहे. यामुळे हवा विषारी झाली आहे. परिस्थिती अशी आहे की लोकांना गंभीर आरोग्य समस्यांना सामेरे जावे लागत आहे. 

नागरिकांना घरातच राहण्याचा सल्ला -परिस्थितीचे गांभीर्य लक्षात घेऊन तेहरानमधील नागरिकांना मास्क वापरण्याचे आणि अत्यावश्यक कामाशिवाय घराबाहेर न पडण्याचे आवाहन करण्यात आले आहे. स्थानिकांच्या मते, तेल डेपोला लागलेली एवढी भीषण होती की, त्यातून आगडोंब उसळत होता.