इराणविरुद्धचं युद्ध दिवसेंदिवस भीषण होत असतानाच आज या युद्धात सहभागी असलेली अमेरिकेची सर्वात शक्तिशाली विमानवाहू युद्धनौका यूएसएस गेराल्ड आर. फोर्डवर धक्कादायक घटना घडली. या युद्धनौकेवर अचानक आग लागल्याने एकच खळबळ उडाली. ही आग युद्धनौकेच्या मुख्य लाऊंड्रीमध्ये लागली. मात्र या आगीवर तातडीने नियंत्रण मिळवण्यात आले. यूएसएस गेराल्ड आर. फोर्ड ही सध्या लाल समुद्रात उभी असून, इराण युद्धामध्ये अमेरिकन सैन्य या युद्धनौकेचा वापर सैनिकी तळासारखा करत आहे.
या आगीबाबत माहिती देताना अमेरिकन नौदलाने सांगितले की, ही आग युद्धाशी संबंधित घटनेमुळे लागलेली नाही. तसेच या आगीमुळे युद्धनौकेच्या प्रोपल्शन प्लँटला कुठलीही हानी झालेली नाही. युद्धनौका पूर्णपणे सुरक्षित आहे. मात्र या आगीत दोन सैनिक होरपळले असून, त्यांच्यावर उपचार सुरू आहे. मात्र त्यांना झालेल्या जखमा किरकोळ असून, त्यांची प्रकृती स्थिर आहे.
अमेरिकेचा गेराल्ड आर. फोर्ड कॅरियर स्ट्राईक ग्रुप इराणविरोधातील ऑपरेशन एपिक फ्युरीसाठी लाल समुद्रात कार्यरत आहे. तसेच या युद्धनौकेवरून इराणवर हल्ले केले जात आहेत.
Web Summary : A fire broke out on the USS Gerald R. Ford in the Red Sea, where it's supporting operations against Iran. The fire, originating in the laundry area, was quickly contained. Two sailors sustained minor injuries. The warship remains fully operational.
Web Summary : लाल सागर में यूएसएस गेराल्ड आर. फोर्ड पर आग लग गई, जो ईरान के खिलाफ अभियानों का समर्थन कर रहा है। कपड़े धोने के क्षेत्र में लगी आग पर तुरंत काबू पा लिया गया। दो नाविकों को मामूली चोटें आईं। युद्धपोत पूरी तरह से चालू है।