Sri Lanka Economic Crisis: आर्थिक संकटाचा सामना करत असलेल्या श्रीलंकेतील नागरिकांना आणखी एक धक्का बसला आहे. मंगळवारी सरकारने पेट्रोलच्या दरात 24.3 आणि डिझेलच्या किमतीत 38.4 टक्क्यांनी वाढ केली आहे. परकीय चलनाच्या साठ्याच्या कमतरतेमुळे श्रीलंकेला गंभीर आर्थिक संकटाचा सामना करावा लागत आहे, त्यामुळे ही वाढ करण्यात आली आहे. 19 एप्रिलनंतर इंधनाच्या दरात झालेली ही दुसरी वाढ आहे. देशात सर्वात जास्त वापरल्या जाणार्या ऑक्टेन 92 पेट्रोलची किंमत प्रति लिटर 420 रुपये ($1.17) आणि डिझेलची किंमत 400 रुपये ($1.11) झाली आहे.
भारतातील प्रमुख तेल कंपनी इंडियन ऑइल कॉर्पोरेशनची श्रीलंकेची उपकंपनी असलेल्या लंका आयओसीनेही इंधनाच्या किरकोळ किमती वाढवल्या आहेत. LIOC चे CEO मनोज गुप्ता म्हणाले की, आम्ही सिलोन पेट्रोलियम कॉर्पोरेशन (CPC) शी बरोबरी करण्यासाठी किंमती वाढवल्या आहेत. CPC ही श्रीलंकेतील सार्वजनिक क्षेत्रातील तेल कंपनी आहे.
एक किलोमीटरचे ऑटो भाडे 90 रुपये तेलाच्या किमती वाढल्यानंतर ऑटो युनियननेही भाडेवाढीची घोषणा केली. देशात पहिल्या किलोमीटरचे मूळ भाडे 90 रुपये असेल, त्यानंतर प्रत्येक किलोमीटरसाठी 80 रुपये द्यावे लागतील. श्रीलंकेत महागाईचा दर 40 टक्क्यांच्या जवळ पोहोचला आहे. खाद्यपदार्थ उपलब्ध नाहीत, तेलाचे दर गगनाला भिडले आहेत. संकटाशी झगडणारे लोक बंडावर उतरले असून राष्ट्राध्यक्ष गोटाबाया राजपक्षे यांच्या राजीनाम्याची मागणी करत आहेत.
भारताने 40,000 टन पेट्रोल पाठवलेकर्जाच्या सुविधेअंतर्गत 40,000 टन डिझेलचा पुरवठा केल्यानंतर काही दिवसांनी भारताने सुमारे 40,000 टन पेट्रोलही श्रीलंकेला पाठवले आहे. श्रीलंकेमधील सर्वात वाईट आर्थिक संकटाशी झुंज देत असलेल्या तीव्र इंधनाची कमतरता कमी करण्यात मदत करण्याचे भारताचे उद्दिष्ट आहे. भारताने गेल्या महिन्यात श्रीलंकेला इंधन आयात करण्यात मदत करण्यासाठी अतिरिक्त $500 दशलक्ष क्रेडिट लाइन दिली. अलीकडच्या काही दिवसांत परकीय चलनाच्या साठ्यात मोठी घसरण झाल्यामुळे श्रीलंका आयातीवरील पेमेंट संकटाचा सामना करत आहे.