नेपाळमधील राजकीय संकट अखेर शमले आहे. सर्वोच्च न्यायालयाच्या आदेशानुसार शेर बहादूर देउबा (Sher Bahadur Deuba) यांनी नेपाळच्या संसदेत मताधिक्य मिळविले आहे. यामुळे संसद बरखास्त करणाऱ्या के.पी. ओली यांना मोठा धक्का बसला आहे. देऊबा नेपाळचे नवे पंतप्रधान (Prime Minister of Nepal) बनले आहेत. (Nepal PM Sher Bahadur Deuba wins vote of confidence with 163 votes in the 275-member House of Representatives)
देऊबा यांनी 275 सदस्यांच्या संसदेत 163 मते मिळविली आहेत. तत्पूर्वी नेपाळच्या सर्वोच्च न्यायालयाने देऊबांना 28 तासांत पंतप्रधान पदी निवडण्याचे आदेश दिले होते. के.पी. शर्मा ओली (KP Sharma Oli) यांच्या नेतृत्वातील सरकारने मागील 5 महिन्यांत दुसऱ्यांदा बहुमत चाचणी गमावली होती. नेपाळच्या सर्वोच्च न्यायालयातील पाच सदस्यांच्या पीठाने हे आदेश दिले होते.