सायबेरिया - रशियात सायबेरिया शहरातील केमेरोवो शॉपिंग मॉलला लागलेल्या भीषण आगीत 37 जणांचा होरपळून दुर्देवी मृत्यू झाला आहे. यामध्ये अनेकजण गंभीर जखमी झाले आहेत. 120 जणांना वाचवण्यात यश आले आहे.अनेक जखमींना उपचारासाठी हॉस्पिटलमध्ये दाखल करण्यात आले आहे. अजुनही शेकडोंच्या संख्येने लोक मॉलमध्ये अडकले आहेत. अग्नीशामक दलाचे आग विझवण्यासाठी युद्धपातळीवर प्रयत्न सुरु आहेत. आगीचे स्वरुप इतके भिषण आहे की त्यात सिनेमागृह, हॉटेल, लहानमोठी दुकाने सर्वच जळुन खाक झाले आहेत.
अचानक लागलेल्या आगीमुळे मॉलमधील लोक एकाएकी जागा मिळेल त्या दिशेने पळत सुटले त्यामुळे अचानक माजलेल्या गोंधळात 40 पेक्षा जास्त लहान मुले हरवल्याची माहिती समोर येत आहे.