पाकिस्तानच्या पंतप्रधानांचा पुन्हा आंतरराष्ट्रीय अपमान! ट्रम्प यांनी व्हाईट हाऊसमध्ये बोलावून ताटकळत ठेवले

पाकिस्तानचे पंतप्रधान शहबाज शरीफ आणि फील्ड मार्शल असीम मुनीर यांना यांना अमेरिकेचे राष्ट्राध्यक्ष डोनाल्ड ट्रम्प यांची ओव्हल ऑफिसमध्ये भेट घेण्यापूर्वी अपमानाचा सामना करावा लागला. दोन्ही नेत्यांना जवळपास एक तास वाट पाहावी लागली, ज्या दरम्यान ट्रम्प यांनी झालेल्या विलंबाबद्दल सार्वजनिकरित्या दिलगिरी व्यक्त केली.

पाकिस्तानचे पंतप्रधान शाहबाज शरीफ आणि फील्ड मार्शल असीम मुनीर यांनी ओव्हल ऑफिसमध्ये अमेरिकेचे अध्यक्ष डोनाल्ड ट्रम्प यांची भेट घेतली. पण या भेटीपूर्वी पाकिस्तानचे पंतप्रधान आणि फील्ड मार्शल यांना प्रचंड अपमान सहन करावा लागला. ओव्हल ऑफिसमध्ये डोनाल्ड ट्रम्प यांना भेटण्यासाठी आलेल्या दोन्ही नेत्यांना सुमारे एक तास वाट पहावी लागली. 

"पाकिस्तानचे पंतप्रधान शाहबाज शरीफ आणि फील्ड मार्शल "आता या खोलीत असू शकतात, कारण आम्हाला उशीर झाला आहे. असं विधान अमेरिकेचे अध्यक्ष डोनाल्ड ट्रम्प यांनी ओव्हल ऑफिसमधून पत्रकारांना संबोधित करताना केले.

माझ्याविरुद्ध तिहेरी कट, डोनाल्ड ट्रम्प का संतापले?; ‘सिक्रेट सर्व्हिस’ला चौकशीचे आदेश

शरीफ यांनी २३ सप्टेंबर रोजी ट्रम्प यांच्याशी अनौपचारिक बैठकही घेतली. ट्रम्प यांनी आठ इस्लामिक-अरब देशांच्या नेत्यांशी केलेल्या भेटीनंतर ही बैठक झाली.

पाकिस्तानचे उपपंतप्रधान आणि परराष्ट्रमंत्री इशाक दार हे देखील उपस्थित होते. ही बैठक दोन्ही देशांमधील वाढत्या जवळीकतेचे संकेत देते, ते अलिकडच्या काळात तणावपूर्ण संबंधांनंतर आता सुधारत आहे.

पाकिस्तानी पंतप्रधान कार्यालयाच्या मते, डोनाल्ड ट्रम्प कार्यकारी आदेशांवर स्वाक्षरी करत असल्याने बैठक सुमारे अर्धा तास उशिरा सुरू झाली. अमेरिकेचे उपाध्यक्ष जेडी व्हान्स आणि परराष्ट्र सचिव मार्को रुबियो देखील उपस्थित होते.

पाकिस्तानी पंतप्रधान कार्यालयाने दावा केला की, चर्चा सकारात्मक वातावरणात झाली. दरम्यान, व्हाईट हाऊसच्या काही प्रेस पूल फोटोंमध्ये मुनीर आणि शरीफ व्हाईट हाऊस कॉम्प्लेक्समध्ये वाट पाहत असल्याचे दिसून आले.

आदल्या दिवशी, अध्यक्ष ट्रम्प यांनी तुर्कीचे अध्यक्ष रेसेप तय्यिप एर्दोगान यांचीही भेट घेतली, याचे थेट प्रक्षेपण करण्यात आले आणि त्यात संयुक्त पत्रकार परिषद देखील समाविष्ट होती.