UK Latest News: यूनायटेड किंगडमच्या वेल्समध्ये एका नर्सला तिची नोकरी गमवावी लागली. कारण हॉस्पिटलमच्या अधिकाऱ्यांना तिचं एका रूग्णासोबत अफेअर असल्याचं समजलं होतं. इतकंच नाही तर त्यांना हेही समजलं होतं की, नर्सने हॉस्पिटलच्या पार्किंगमध्ये त्याच्यासोबत शारीरिक संबंधही ठेवले होते ज्यादरम्यान रूग्णाचा मृत्यू झाला. नर्सने नंतर मृतकासोबत एक वर्षापेक्षा जास्त काळ संबंध होते हे मान्य केलं.
नर्सवर आरोप लावण्यात आला की, रूग्णांसोबत संभोग करताना आणि त्याच्या मृत्यू झाल्यावरही तिने अॅम्बुलन्स बोलवली नाही. असं सांगण्यात येत आहे की, जेव्हा चिकित्सा आपातकालीन कर्मचारी पार्किंगमध्ये पोहोचले तेव्हा त्यांना रूग्ण नग्न आणि मृत आढळून आला होता.
मृत रूग्ण वेल्सच्या हॉस्पिटलमध्ये डायलिलिसचा उपचार घेत होता आणि कार्डियक अरेस्टमुळे त्याचा मृत्यू झाला होता. मीडिया रिपोर्टनुसार, रूग्णाचा मृत्यू हृदयाचे ठोके थांबल्याने आणि क्रोनिक किडनी रोगामुळे झाला.
रिपोर्टमधून समोर आलं की, आरोपी नर्सच्या सहकाऱ्यांना तिचे मृत रूग्णासोबत संबंध होते हे माहीत होतं आणि त्यातील काहींनी तिला गंभीर परिणाम होतील असा इशाराही दिला होता. पण त्याकडे आरोपी नर्सने दुर्लक्ष केलं. नर्सने केवळ तिच्या प्रेफेशनल मर्यादेचच उल्लंघन केलं असं नाही तर अॅम्बुलन्स न बोलवून एक चिकित्सक म्हणूनही अपयशी ठरली. तिने रूग्ण कारमधून पडल्यावर तिच्या एका सहकाऱ्याला बोलवलं.
फॉक्स न्यूजनुसार, नर्सने सुरूवातीला पोलिसांना सांगितलं की, ती रूग्णाला तेव्हा भेटायला गेली जेव्हा त्याने तिला फेसबुकवर आपल्या मेडिकल स्थितीबाबत मेसेज पाठवला होता. ती म्हणाली की, ती रूग्णाला भेटायला गेली कारण तो म्हणाला होता की, त्याला अस्वस्थ वाटत आहे. द टेलीग्राफनुसार, नर्स म्हणाली की, तिने कारच्या मागच्या सीटवर केवळ 30 ते 45 मिनिटे घालवले होते आणि ते केवळ बोलत होते.
फेब्रुवारीमध्ये पॅनलसमोर ट्रायल दरम्यान नर्स म्हणाली की, रूग्ण अचानक ओरडू लागला आणि त्याचा मृत्यू झाला. त्यानंतर तिने रूग्णासोबत संबंधाची बाब मान्य केली होती आणि म्हणाली होती की, त्या रात्री ती त्याला शारीरिक संबंध ठेवण्यासाठीच भेटली होती.