इराणमध्ये घुसून आपल्या वैमानिकाला वाचवल्याबद्दल ट्रम्प सरकारचे कौतुक होत असतानाच, अमेरिकेच्या गुप्तचर संस्थेचे माजी अधिकारी लॅरी जॉन्सन यांनी एकच खळबळ उडवून दिली आहे. "पेंटागन जगाला खोटे सांगत आहे, अमेरिकेचे 'रेस्क्यू मिशन' हे मोठे अपयश असून एकाच दिवसात इराणने अमेरिकेची १० विमाने पाडली आहेत," असा दावा जॉन्सन यांनी केला आहे.
नतांज अणू प्रकल्पावर हल्ल्याचा कट?लॅरी जॉन्सन यांच्या मते, पाडलेले F-15 फायटर जेट कोणत्याही साध्या गस्तीवर नव्हते, तर ते इराणच्या नतांज या अतिसंवेदनशील अण्वस्त्र प्रकल्पावर 'ग्राउंड अटॅक' करण्याच्या तयारीत होते. इराणने हे विमान वेळीच ओळखून आकाशातच उडवले. या घटनेनंतर अमेरिकेची खरी अडचण सुरू झाली.
एका दिवसात ४०० मिलियन डॉलर्सचा धूर!जॉन्सन यांनी दिलेल्या माहितीनुसार, इराणने केवळ एका वैमानिकाला वाचवण्याच्या नादात आलेल्या अमेरिकन ताफ्याचा चक्काचूर केला आहे. यात खालील विमानांचा समावेश असल्याचा दावा त्यांनी केला आहे:
F-15 फायटर जेट - १
२ ब्लॅक हॉक हेलिकॉप्टर्स - २
C-130 ट्रान्सपोर्ट विमाने - २
लिटिल बर्ड्स (लहान हेलिकॉप्टर्स) - ४
A-10 वॉरथॉग विमान - १
एकाच दिवसात सुमारे ४०० मिलियन डॉलर्स (३३०० कोटी रुपयांहून अधिक) किमतीची अमेरिकन युद्धसामग्री इराणने नष्ट केली आहे.
'रेस्क्यू मिशन' की मोठी आपत्ती?जॉन्सन यांनी तांत्रिक प्रश्न उपस्थित करत विचारले की, जर कुवेत ते इस्फहान हे अंतर २५० मैल असेल आणि विशेष दलांची रेंज ३०० मैल असेल, तर ही विमाने परत कशी जाणार होती? त्यांच्या मते, C-130 विमाने इंधनासाठी आली होती आणि संपूर्ण ऑपरेशन वाळवंटात अडकल्यामुळे फसले.
वॉर सेक्रेटरी पीट हेगसेथ यांच्यावर राजीनाम्यासाठी दबावलष्करी अपयशानंतर अमेरिकन संसदेत रणकंदन माजले आहे. रिपब्लिकन नेते कारबजल यांनी संरक्षण मंत्री पीट हेगसेथ यांना चक्क "देशासाठीची लाज" म्हटले आहे. लष्करी प्रमुखांना पदावरून हटवल्यामुळे आणि इराण युद्धात झालेल्या नुकसानीमुळे हेगसेथ आता "अनफिट" असल्याचे आरोप होत आहेत.
Web Summary : Ex-CIA officer claims Iran downed 10 US planes during a failed rescue mission near Natanz nuclear facility, costing America $400 million. Calls for War Secretary's resignation follow.
Web Summary : पूर्व CIA अधिकारी का दावा है कि ईरान ने नतांज परमाणु सुविधा के पास एक विफल बचाव अभियान में अमेरिका के 10 विमानों को मार गिराया, जिससे अमेरिका को 400 मिलियन डॉलर का नुकसान हुआ। युद्ध सचिव के इस्तीफे की मांग उठी।