फ्लोरिडा : अमेरिकी अंतराळ संस्था नासाने ९ वर्षांनंतर इतिहास रचला आहे. फ्लोरिडाच्या केप कनवरल येथील जॉन एफ केनेडी स्पेस सेंटरमधून नासाने स्पेसएक्स डेमो-२ मिशन लाँच केले आहे. अमेरिकेने ९ वर्षांनी त्यांच्या जमिनीवरून अंतराळवीर पाठविले आहेत.
चंद्रावर उतरण्याचे पहिले उड्डाण याच केंद्रावरून करण्यात आले होते. नासाचे संचालक जीम ब्राईडेन्स्टीन यांनी सांगितले की, अमेरिकेने ९ वर्षांनी त्यांच्या जमिनीवरून अंतराळवीर पाठविले आहेत. मला नासावर आणि टीमवर गर्व आहे. हे लाँच अमेरिका आहे.
नासाने यावेळी स्पेसएक्स फाल्कन ९ हे रॉकेट पाठविले आहे. यामध्ये रॉबर्ट बेंहकेन आणि डग्लस हुर्ले हे दोन अंतरालवीर आहेत. हे यान पृथ्वीच्या कक्षेबाहेर यशस्वीरित्या गेले असून कॅप्सूल यशस्वीरित्या उघडल्याचे अमेरिकेचे राष्ट्राध्यक्ष डोनाल्ड ट्रम्प यांनी जाहीर केले.