ठळक मुद्देभारताच्या राजनैतिक अधिकाऱ्यांना पाकिस्तानमध्ये मुद्दाम त्रास दिला जात आहे. पाकिस्तानातील भारतीय दुतावासातील कर्मचारी आणि अधिकाऱ्यांचा छळ करण्यात येत असल्याची माहिती समोर आली आहे.भारतीय अधिकाऱ्यांच्या घरी येणाऱ्या पाहुण्यांनाही विनाकारण चौकशी करून त्रास दिला जातो.
भारताच्या राजनैतिक अधिकाऱ्यांना पाकिस्तानमध्ये मुद्दाम त्रास दिला जात आहे. पाकिस्तानातीलभारतीय दुतावासातील कर्मचारी आणि अधिकाऱ्यांचा छळ करण्यात येत असल्याची माहिती समोर आली आहे. कर्मचाऱ्यांना नवीन गॅस कनेक्शन दिले जात नाही. तर अनेक वरिष्ठ अधिकाऱ्यांना दिली जाणारी इंटरनेट सेवाही ब्लॉक करण्यात आली आहे.
भारतीय अधिकाऱ्यांच्या घरी येणाऱ्या पाहुण्यांनाही विनाकारण चौकशी करून त्रास दिला जातो. काही दिवसांपूर्वीच एका भारतीय राजनैतिक अधिकाऱ्याच्या घरात घुसखोर शिरला होता. राजनैतिक अधिकाऱ्यांसाठी कडेकोट सुरक्षा असणे अपेक्षित असते. मात्र, तरीही हा प्रकार कसा घडला, याबद्दल पाकिस्तानकडून कोणतेही स्पष्टीकरण देण्यात आलेले नाही. या सर्व घटना समोर आल्यानंतर भारताने पाकिस्तानच्या परराष्ट्र मंत्रालयाला जाब विचारला आहे.