ऑनलाइन लोकमत
क्वालालांपूर, दि. १० - १४ कर्मचा-यांसह मलेशियातून निघालेले मालवाहू जहाज दक्षिण चीन समुद्रात बेपत्ता झाले असून या जहाजाचे अपहरण झाल्याची भीती वर्तवली जात आहे. जहाजावर १४ कर्मचारी असून यात भारतीयांचादेखील समावेश आहे.
मलेशियन कंपनीचे मालवाहतूक करणारे जहाज मलेशियाच्या सागरी हद्दीतून ३ सप्टेंबरपासून बेपत्ता आहे. या जहाजाशी अद्याप काहीही संपर्क झाला नसला तरी बुधवारी संध्याकाळी मलेशियातील मिरीजवळील सागरीहद्दीत मिरी येथे हे जहाज दिसल्याचे सूत्रांनी सांगितले. त्यामुळे या जहाजाचे अपहरण झाले असावे अशी शक्यता आहे. या जहाजावर १४ कर्मचारी असून यात काही भारतीय असल्याचे समजते. या जहाजाचा शोध सुरु आहे.