Girl Photo On Porn Site: तंत्रज्ञान इतकं पुढे गेलं आहे की, याचे जसे अनेक होतात तसेच याचे काही नुकसानही आहेत. याचा चुकीचा वापर काही लोक करतात. असंच काहीसं एका तरूणीसोबत झालं. तरूणीला अचानक तिचे फोटो एका पॉर्न साइटवर दिसले आणि तिला धक्का बसला. पण हे सगळं तरूणीच्या काहीच लक्षात आलं नाही की, हे कसं झालं.
अमेरिकेतील एका तरूणीसोबत ही घटना घडली. ती एक मॉडल आहे आणि दोन वर्षाआधी तिने मॉडलिंगमध्ये करिअर करण्याचा प्रयत्न सुरू केला होता. काही दिवसांआधी तिला तिच्या काही मित्रांनी फोन करून सांगितलं की, तिचे फोटो पॉर्न साइटवर आहेत. जेव्हा तिने चेक केलं तर खरंच तिचे फोटो तिथे होते.
तरूणीला आधी समजलंच नाही की, हे कसं झालं. पण जेव्हा तिने खोलवर विचार केला तेव्हा आठवलं की, दोन वर्षाआधी तिने एक फोटोशूट केलं होतं. त्यावेळी तिला अंदाजही नव्हता की, तिला हे सगलं इतकं महाग पडेल. हे फोटोशूट एका फोटोग्राफरने केलं होतं. ज्याच्यासोबत तरूणीने कोणतंही एग्रीमेंट केलं नव्हतं. अशात त्या फोटोग्राफरने तिला फसवत फोटो एका पॉर्न साइटला विकले होते.
आता तरूणीला तिची फसवणूक झाल्याचं समजलं. ती त्या फोटोग्राफरवर कोणती केसही करू शकत नाही. कारण तिने त्याच्यासोबत कोणतंही एग्रीमेंट केलं नव्हतं. आता तरूणी फार दु:खी आणि निराश आहे. डेली स्टारसोबत बोलताना तिने सांगितलं की, फोटोशूट करताना याची काळजी घेतली गेली पाहिजे की, त्यांचा चुकीचा वापर होऊ नये.
रिपोर्टनुसार, अमेरिकेत राहणाऱ्या तरूणीचं वय 21 वर्षे आहे आणि तिचं नाव सावा शुल्ज (Sava Schultz) आहे. तिने स्वत: सांगितलं की, मॉडल करण्याचा विचार केल्यावर तिने एका फोटोग्राफरला संपर्क केला होता. त्याने तिचे अनेक ग्लॅमरस फोटो काढले होते. पण त्यानेच तिला दगा दिला.