इस्रायल आणि इराण यांच्यात सुरू असलेल्या भीषण युद्धामुळे आखाती देशांमध्ये प्रवासावर मर्यादा आल्या आहेत. या पार्श्वभूमीवर कुवेत सरकारने तेथे अडकलेल्या विदेशी पर्यटकांसाठी आणि प्रवाशांसाठी दोन महत्त्वाच्या नियमांत सूट जाहीर केली आहे. कुवेतमधील भारतीय दूतावासाने सोशल मीडियाद्वारे या निर्णयाची माहिती दिली असून, यामुळे हजारो भारतीयांना दिलासा मिळणार आहे.
१. व्हिजिट व्हिसा मुदतवाढ: जे लोक कुवेतमध्ये पर्यटनासाठी किंवा भेटीसाठी आले होते आणि युद्धामुळे परत जाऊ शकले नाहीत, त्यांच्या व्हिजिट व्हिसामध्ये १ महिन्याची (३० दिवस) वाढ करण्यात आली आहे. २. एबसन्स पिरीयडमध्ये वाढ : जे लोक कुवेतचे रेसिडेन्सी व्हिसाधारक आहेत पण सध्या कुवेतच्या बाहेर आहेत, त्यांच्यासाठी 'एबसन्स पिरीयड' (अनुपस्थितीचा काळ) ३ महिन्यांसाठी वाढवण्यात आला आहे.
फी आणि दंड माफ ही मुदतवाढ मिळवण्यासाठी कोणतीही अतिरिक्त फी किंवा दंड भरावा लागणार नाही. कुवेतच्या गृह मंत्रालयाने ही प्रक्रिया इलेक्ट्रॉनिक पद्धतीने 'ऑटोमॅटिक' लागू केली आहे, त्यामुळे प्रवाशांना सरकारी कार्यालयात जाण्याची गरज पडणार नाही. अमेरिका आणि इराणमधील वाढत्या संघर्षामुळे विमान सेवा विस्कळीत झाली आहे, त्या पार्श्वभूमीवर हा निर्णय घेण्यात आला आहे.
Web Summary : Kuwait eases visa rules for stranded Indian tourists and residents due to Middle East tensions, extending visit visas and residency absence periods automatically without fees.
Web Summary : कुवैत ने मध्य पूर्व तनाव के कारण फंसे भारतीय पर्यटकों और निवासियों के लिए वीजा नियमों में ढील दी, बिना शुल्क के स्वचालित रूप से वीजा और निवास अवधि बढ़ाई।