न्यूयॉर्क : अमेरिकेचे राष्ट्राध्यक्ष जो बायडेन पत्रकार परिषदेदरम्यान प्रश्नांपासून पळ काढत असल्याचा व्हिडीओ सोशल मीडियावर व्हायरल झाला आहे. वास्तविक, सिलिकॉन व्हॅली बँक बुडल्यानंतर बँकिंग संकटांशी संबंधित काही प्रश्नांची उत्तरे बायडेन यांना विचारण्यात आली होती. बायडेन यांनी त्याकडे दुर्लक्ष करीत पत्रकार परिषदेतून काढता पाय घेतला.
बायडेन यांच्या अशा वागण्यावर सोशल मीडियामध्ये टीकेची झोड उठली आहे. लवचीक बँकिंग व्यवस्था राखण्याची आणि ऐतिहासिक आर्थिक सुधारणेसाठी पावले उचलण्याची गरज आहे असे सांगून बायडेन पत्रकार परिषद संपवत असतानाच हा प्रकार घडला.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"