इस्त्रायलने इराणच्या राष्ट्रपती कार्यालयावर पुन्हा एकदा भीषण हल्ला चढवला. इस्त्रायली लष्कराने (IDF) केलेल्या दाव्यानुसार, हे ठिकाण इराणी राजवटीचे सर्वात महत्त्वाचे आणि मध्यवर्ती मुख्यालय होते. सोमवारी रात्री इस्त्रायली हवाई दलाने (IAF) अत्यंत अचूक गुप्तचर माहितीच्या आधारे ही कारवाई केली.
तेहरानच्या मध्यभागी असलेल्या 'लीडरशिप कंपाउंड'मधील संपूर्ण यंत्रणा पूर्णपणे नष्ट करण्यात आल्या आहेत. आयडीएफने दिलेल्या माहितीनुसार, हे कमांड मुख्यालय इराणमधील सर्वात सुरक्षित ठिकाणांपैकी एक मानले जात होते. येथे इराणचे सर्वात वरिष्ठ नेते एकत्र येतात, हेच ठिकाण इस्त्रायलने रातोरात उद्ध्वस्त केले.
लीडरशिपचा खात्मा -IDF ने सोशल मीडिया प्लॅटफॉर्म 'X' वरून या हल्ल्याची माहिती दिली आहे. आयडीएफने म्हटले आहे की, "इराणी राजवटीचे लीडरशिप कंपाउंड- सेंट्रल हेडक्वार्टर उद्ध्वस्त करण्यात आले आहे." या हल्ल्यात इराणला झालेल्या नुकसानासंदर्भात माहिती देताना आयडीएफने म्हटले आहे की, "या दहशतवादी राजवटीमागील नेते आणि त्यांचे मुख्यालय नष्ट करण्यात आले आहे."
"इराणी राजवट आणि हिजबुल्लाह आपले मुख्य लक्ष्य" -यापूर्वीच इस्त्रायलने तेहरान आणि बेरूतमध्ये एकाच वेळी हल्ले करण्याची धमकी दिली होती. इराणी राजवट आणि हिजबुल्लाह हे आपले मुख्य लक्ष्य असल्याचे लष्कराने स्पष्ट केले होते. तसेच, या हल्ल्यात इराणी प्रशासनाचे सदस्य मारले गेल्याचा दावाही लष्कराने केला आहे.
Web Summary : Israel claims a successful airstrike on Iran's presidential headquarters, a key leadership compound in Tehran. The IDF reports the destruction of the central headquarters, a highly secured location, and claims that senior Iranian leaders were killed in the attack. Iran and Hezbollah remain key targets.
Web Summary : इज़राइल ने ईरान के राष्ट्रपति मुख्यालय पर हवाई हमला किया। आईडीएफ के अनुसार, तेहरान में ईरानी नेतृत्व का गढ़ नष्ट हो गया। सेना का दावा है कि हमले में कई वरिष्ठ ईरानी नेता मारे गए। ईरान और हिजबुल्लाह इज़राइल के मुख्य लक्ष्य हैं।