Israel-Lebanon War: नागरिकांना शहर सोडून जाण्याचा इशारा दिल्यानंतर इस्रायलने लेबनानमधील टायर शहरासह इतक शहरांमध्ये हल्ले केले. इस्रायली लष्कराने सांगितले की, युद्ध सुरू झाल्यापासूनच सर्वात मोठे हल्ले लेबनानवर करण्यात आले आहेत. या हल्ल्यानंतरची अनेक दृश्य समोर आली आहेत.
इस्रायलच्या लष्कराने म्हणजे आयडीएफने बुधवारी लेबनानमधील टायर शहरातील नागरिकांना घरे रिकामी करण्याचा इशारा दिला होता. लोकांनी तत्काळ घरे रिकामी करावीत आणि जहरानी नदीच्या उत्तरेला जावे, तिथे तुम्ही सुरक्षित राहाल, असे आयडीएफने म्हटले होते.
इस्रायलने टायर शहरासह बैरुत, बेका आणि दक्षिण लेबनानला लक्ष्य केले. मिसाईल्स हल्ले कॅमेऱ्यात कैद झाले आहेत. हल्ल्यानंतरची दृश्यही भयंकर आहेत. अनेक आंतरराष्ट्रीय माध्यम संस्थांनी हल्ल्याचे व्हिडीओ पोस्ट केले आहेत.
इस्रायलने लेबनानमध्ये हल्ले का केले?
इराणसोबत एकीकडे शस्त्रसंधी झालेली असताना इस्रायलने लेबनानमध्ये हल्ले का सुरू केले? असे प्रश्न उपस्थित होत आहे. इस्रायलकडून याचे उत्तर देण्यात आले आहे.
नागरिक वस्त्यांवर हवाई हल्ले करण्यामागे हिजबुल्लाह हे कारण असल्याचे आयडीएफने म्हटले आहे. नागरिक वस्त्यांच्या मध्यवर्ती ठिकाणीच हिजबुल्लाहचे लोक असल्याचा दावा आयडीएफने केला आहे.
इस्रायलच्या हल्ल्यांनंतर लेबनानमधील काही शहरातील परिस्थित भयंकर होती. सगळीकडे धुराचे लोट होत आणि पडलेल्या इमारतींच्या धुळीने रस्ते अदृश्य झाले होते. लोक जीव वाचवण्यासाठी धावत होते.
लेबनानमध्ये १५०० लोकांचा मृत्यू
इराणचे समर्थन असलेल्या हिजबुल्लाहकडून इस्रायलमध्ये हल्ले केले गेले. त्यानंतर इस्रायलने पलटवार सुरू केले. लेबनानमध्ये हिजबुल्लाहच्या ठिकाणांना इस्रायलकडून लक्ष्य केले जात आहे. पण, यात नागरिकांचे बळी जात आहेत. या संघर्ष सुरू झाल्यापासून लेबनानमध्ये तब्बल १५०० लोक मरण पावले आहेत, तर १२ लाख लोक घरंदारं सोडून सुरक्षित ठिकाणी गेले आहेत.
Web Summary : Following warnings, Israel attacked Lebanon, including Tyre. The IDF claims the largest attacks since the war began, citing Hezbollah presence in civilian areas as justification for targeting Beirut, Bekaa and southern Lebanon. Over 1500 deaths reported, 1.2 million displaced.
Web Summary : चेतावनी के बाद, इज़राइल ने टायर सहित लेबनान पर हमला किया। आईडीएफ का दावा है कि युद्ध शुरू होने के बाद से यह सबसे बड़ा हमला है, जिसमें नागरिक क्षेत्रों में हिजबुल्लाह की उपस्थिति को बेरूत, बेका और दक्षिणी लेबनान को लक्षित करने का औचित्य बताया गया है। 1500 से अधिक मौतों की सूचना, 1.2 मिलियन विस्थापित।