तेहरान: मध्य-पूर्वेतील युद्धाने आता सर्व मर्यादा ओलांडल्या आहेत. शनिवारी रात्री इस्रायली हवाई दलाने इराणची राजधानी तेहरानमधील प्रसिद्ध 'गांधी हॉस्पिटल' वर मिसाईल डागले. या भीषण हल्ल्यात रुग्णालयाच्या इमारतीचे प्रचंड नुकसान झाले असून, रुग्णालयातील वॉर्ड्स अक्षरशः ढिगाऱ्यात रूपांतरित झाले आहेत. सोशल मीडियावर व्हायरल होत असलेल्या व्हिज्युअल्समध्ये रुग्णांची आणि त्यांच्या नातेवाइकांची हृदयद्रावक ओरड ऐकू येत आहे.
इस्रायली क्षेपणास्त्र थेट रुग्णालयाच्या मुख्य भागावर पडले. यामुळे रुग्णालयात आग लागली आणि अनेक वैद्यकीय उपकरणे उद्ध्वस्त झाली. हल्ल्याच्या वेळी रुग्णालयात शेकडो रुग्ण उपचार घेत होते. व्हिज्युअल्समध्ये शस्त्रक्रिया कक्षात आणि आयसीयूमध्येही ढिगारा साचलेला दिसत आहे. जखमी रुग्णांना स्ट्रेचरवरून बाहेर काढण्यासाठी लोकांची धावपळ सुरू आहे.
युद्ध गुन्हा? नागरी वस्त्या आणि रुग्णालयांवर होणाऱ्या या हल्ल्याला इराणने 'युद्ध गुन्हा' म्हटले आहे. गांधी हॉस्पिटल हे केवळ इराणचेच नाही, तर आशियातील एक प्रमुख वैद्यकीय केंद्र मानले जाते.
मोठ्या जीवितहानीची भीतीअधिकृत आकडा अद्याप समोर आला नसला तरी, अनेक रुग्ण आणि वैद्यकीय कर्मचाऱ्यांचा या ढिगाऱ्याखाली दबून मृत्यू झाल्याची भीती व्यक्त केली जात आहे. इस्रायलने शनिवारी इराणमधील लहान मुलांच्या शाळेवर हल्ला केला होता. यामध्ये आतापर्यंत १८५ जणांचा मृत्यू झाला आहे. यामध्ये बहुतांश लहान विद्यार्थीनी आहेत. यानंतर आता हा हॉस्पिटलवरील हल्ला मानवता पायदळी तुडवत असल्याचे आरोप होत आहेत.
Web Summary : Reports allege Israel bombed Tehran's Gandhi Hospital, causing massive destruction and casualties. The attack, following a school bombing, sparks outrage and accusations of war crimes against Israel. Many are feared dead, including patients and medical staff.
Web Summary : रिपोर्टों के अनुसार, इज़राइल ने तेहरान के गांधी अस्पताल पर बमबारी की, जिससे भारी विनाश और हताहत हुए। स्कूल पर बमबारी के बाद हुए इस हमले से आक्रोश फैल गया है और इज़राइल पर युद्ध अपराधों के आरोप लग रहे हैं। कई लोगों के मारे जाने की आशंका है, जिनमें मरीज और चिकित्सा कर्मचारी शामिल हैं।