नेतान्याहू यांचा मृत्यू की जिवंत? इस्रायली राजदूतांचा खळबळजनक खुलासा;'सहा बोटां'च्या मिस्ट्रीवरही पडदा

इस्रायलचे भारतातील राजदूत रुवेन अझर यांनीही या प्रकरणावर स्पष्ट विधान केले. "पंतप्रधान नेतन्याहू जिवंत आहेत. मी त्यांना अनेक वेळा प्रत्यक्ष पाहिले आहे, असेही अझर म्हणाले. अझर यांनी कॅफेचा व्हिडीओ खरा असल्याची पुष्टी केली.

गेल्या दोन दिवसांपासून सोशल मीडियावर इस्रायलचे पंतप्रधान बेंजामिन नेतान्याहू यांच्या मृत्यू झाल्याचा दावा करण्यात येत आहे. व्हायरल होणारे व्हिडीओ AI निर्मित असल्याचा दावा केला जात असतानाच, आता भारतातील इस्रायलचे राजदूत रुवेन अझर यांनी या प्रकरणावर मोठे विधान केले आहे.

नेतन्याहूंना जिवंत दाखविण्यासाठी जो व्हिडीओ इस्रायलने जारी केला, तो ही निघाला डीपफेक...; Grok म्हणतोय...

काय आहे 'सहा बोटां'ची मिस्ट्री?

नेतान्याहू यांच्या निधनाच्या अफवांना तेव्हा उधाण आले, जेव्हा त्यांच्या एका जुन्या व्हिडिओमध्ये त्यांच्या हाताला सहा बोटे दिसत असल्याचा दावा नेटकऱ्यांनी केला. "ही एआयची चूक असून नेतान्याहू आता जिवंत नाहीत," असा दावा सोशल मीडियावर केला जात होता.

राजदूत रुवेन अझर यांचा दावा

या सर्व अफवांचे खंडन करताना राजदूत रुवेन अझर म्हणाले, "पंतप्रधान नेतान्याहू जिवंत आणि सक्रिय आहेत. मी त्यांना अनेकदा प्रत्यक्ष पाहिले आहे." त्यांनी जेरुसलेममधील कॅफेमधील व्हिडिओ खरा असल्याची पुष्टी केली असून, नेतान्याहू पूर्णपणे निरोगी असल्याचे स्पष्ट केले आहे.

नेतान्याहू यांनीच उडवली अफवांची खिल्ली!

स्वतः नेतान्याहू यांनी जेरुसलेममधील 'द सताफ' कॅफेमधून एक व्हिडिओ पोस्ट करत अफवा पसरवणाऱ्यांना चपराक दिली आहे. हातात कॉफीचा कप घेऊन कॅमेऱ्याकडे पाहत त्यांनी हसत विचारले, "ते काय म्हणतात मी? पहा!" इतकेच नाही तर त्यांनी आपले दोन्ही हात वर करून पाच बोटे दाखवली आणि 'सहा बोटां'च्या दाव्यातील हवा काढून टाकली.

गेल्या दोन दिवसांपासून नेतन्याहू यांचा इराणच्या हल्ल्यात मृत्यू झाल्याचा दावा इराण समर्थक सोशल मीडिया हँडलवरून केला जात होता. या अफवा शांत करण्यासाठी नेतन्याहू यांच्या अधिकृत एक्स अकाऊंटवरून एक व्हिडिओ पोस्ट करण्यात आला, ज्यामध्ये ते एका कॅफेमध्ये कॉफी पिताना दिसत आहेत. मात्र, व्हिडिओच्या एका विशिष्ट फ्रेममध्ये  नेतन्याहू यांच्या ओठांची हालचाल आणि आजुबाजुच्या गोष्टी, कपमधील कॉफीचा जास्तीचा स्तर आदी बनावट असल्याचा दावा 'Frame-by-Frame' विश्लेषण करणाऱ्या युजर्सनी केला आहे.