ऑनलाइन लोकमत
मुंबई, दि. १८ - अॅपलचे लोकप्रिय उत्पादन असलेल्या आयफोन ७ चे मागच्या महिन्यात जोरदार लाँचिग झाले. दर्जाच्या बाबतीत आयफोन अव्वल असल्याने वापरकर्त्यांना आयफोन ७ आणि ७ प्लसकडून भरपूर अपेक्षा होत्या. पण आयफोन ७ आणि ७ प्लसकडून या अपेक्षा पूर्ण झालेल्या नाहीत. म्हणावे तसे नावीन्यपूर्ण, क्रांतीकारी तंत्रज्ञान आयफोन ७ आणि ७ प्लसमध्ये नसल्याचे वापरकर्त्यांचे म्हणणे आहे.
- आयफोन ७ आणि ७ प्लस बद्दल पहिली तक्रार किंमतीपासूनच सुरुवात होते. 32 जीबीच्या आयफोन 7 ची किंमत जवळपास 53 हजार रुपये आहे. तर 64 जीबीच्या आयफोन 7 ची किंमत जवळपास 61 हजार रुपये आणि 256 जीबीच्या आयफोनची किंमत 71 हजार रुपयांच्या जवळपास आहे. त्याचसोबत 32 जीबीच्या आयफोन 7 प्लसची किंमत 61 हजार रुपये, 128 जीबीच्या आयफोन 7 प्लसची 69 हजार आणि 256 जीबीच्या आयफोन 7 प्लसची किंमत 79 हजार रुपयांच्या जवळपास आहे.
- अँड्राॅईड फोनशी आयफोनची तुलना केली तर, अँड्राॅईड वापरकर्त्यांना जास्त फायदे मिळतात. आधीच्या आयफोनशी तुलना करता ७ मध्ये फारसे काही नवीन नाही.
- आयफोन ७ मध्ये IOS 10 सिस्टीम आहे, ते IOS 9 चे अपडेटेड व्हर्जन आहे. त्यामुळे मोबाईलला फारसा फायदा होत नाही.
- आयफोन ७ विकत घेणा-या अनेकांनी सिग्नल ड्रॉप आणि जीपीएस व्यवस्थित चालत नसल्याच्या तक्रारी केल्या आहेत.
- गुगल मॅप वापरताना नो सिग्नल आयकॉन दिसत असल्याचे अनेकांचे म्हणणे आहे,.
-आयफोन ७ मध्ये जे नवे फिचर्स आहेत त्याला जास्तीत जास्त बॅटरी लागणार आहे. त्यामुळे भविष्यात बॅटरीची समस्या देखील उदभवू शकते. आयफोन ७ ची बॅटरी आयफोन ६ च्या तुलनेत एक ते दोन तासच जास्त चालू शकते.
- आयफोन ७ च्या रॅममध्ये कोणताही मोठा बदल करण्यात आलेला नाही, आयफोन ६ एस प्रमाणेच २ जीबी रॅम देण्यात आली आहे.
- अॅपलने नव्या आयफोन ७ मध्ये वायरलेस इअरपॅडसचा वापर केला आहे. या इअरपॅडसच्या चोरी होण्याची शक्यता अधिक आहे.
- तुम्ही तुमच्या संगणकावरुन गाणी, फिल्म, व्हिडीओ तुमच्या मोबाईलमध्ये Transfer करु शकता. पण आयफोनमध्ये सुलभतेने हे Transfer करता येत नाही. त्यासाठी आय टयुन्स सॉफ्टवेअर तुमच्या संगणकावर असणे आवश्यक आहे.
- सध्याचे बहुतेक मोबाईल डयुअल सीम आहेत. पण आयफोन अजूनही सिंगल सीम आहे. त्यामुळे काही आयफोन युझर्सना दुसरा फोनही सोबत कॅरी करावा लागतो.
आयफोन ७ची वैशिष्टये
आयफोन 7ला 4.7 इंचाची स्क्रीन देण्यात आली आहे. तसेच आयफोन 7मध्ये हेडफोन जॅकची सुविधा देण्यात आली नसून वायरलेस हेडफोननेच आयफोन 7 कनेक्ट होणार आहे. आयफोन 7मध्ये सुधारित 12 मेगा पिक्सलचा कॅमेरा बसवण्यात आला असून, कमी प्रकाशातही चांगली स्पष्टता देणार आहे. यात ड्युएल लेन्स कॅमेरा बसवण्यात आला आहे. आयफोन 7मध्ये सर्वाधिक जलद चालणारी नवीन ए10 चिफ बसवण्यात आली असून, 3 जीबीचा रॅम देण्यात आला आहे. तसेच 2.37GHZ प्रोसेसर बसवण्यात आला आहे. थ्रीडी टेक्नॉलॉजीच्या अनुषंगानं सेन्सिटीव्ही होम बटण देण्यात आलं आहे. त्यामुळे हा फोन ऑपरेटिंग करताना सुपरफास्ट चालणार आहे. या आयफोन 16 जीबीची किंमत 43 हजारांच्या घरात आहे. तर 32 जीबीच्या आयफोन 7ची किंमत 53 हजारांपर्यंत असणार आहे.
कसा आहे आयफोन ६
अॅपलने आपले जुने फोन iPhone 6s आणि iPhone 6s Plus या फोनच्या किंमतीत मोठ्या प्रमाणात कपात केली आहे. या दोन्ही फोनच्या किंमतीत तब्बल 22 हजारांची कपात कंपनीने केली आहे.
आयफोन सिक्समध्ये ४.७० इंचाची टचस्क्रीन आहे तसेच आयफोन ६ मध्ये अॅपल A8 प्रोसेसर असून, १ जीबी रॅम आहे. या फोनचे इंटरनल स्टोरेज १६जीबी असून, त्यात वाढ होऊ शकत नाही. आयफोन ६ ला ८ मेगापिक्सलचा प्रायमरी कॅमरा असून, सेल्फीसाठी १.२ मेगा पिक्सल कॅमेरा आहे. आयफोन ८ ला आयओएस ८.० सिस्टीम आहे.