लंडन : जेव्हा जेव्हा ब्रिटेनच्या शाही परीवारात आनंदाचा क्षण आला तेव्हा तेव्हा जगभरात त्या गोष्टीची जोरदार चर्चा झाली. त्यानुसार प्रिन्स हॅरी आणि अभिनेत्री मेगन मार्कलच्या लग्नाची सध्या सगळीकडेच चर्चा होत आहे. आज या दोघांचं लग्न शाही थाटात होणार आहे. आता प्रिन्सचं लग्न होणार आहे म्हटल्यावर ते कसं असणार हे जाणून घेण्याची उत्सुकता सर्वांनाच लागली आहे. त्यामुळे आम्ही तुमच्यासाठी या लग्नाबाबत काही खास गोष्टी सांगणार आहोत.
- प्रिन्स हॅरी हा इंग्लडची राणी एलिझाबेथ द्वितीयचा नातू आणि वेल्सचे राजकुमार चार्ल्स आणि डायना यांचा लहान मुलगा आहे.
- काही महिन्यांपूर्वी चिकन बनवतांना प्रिन्स हॅरीने मेगनला लग्नासाठी प्रपोज केलं होतं.
- मेगनच हे दुसरं लग्न आहे. 2013 मध्ये तिने आधीच्या पतीपासून घटस्फोट घेतला होता.
- असा अंदाज आहे की, या शाही लग्न सोहळ्याचा खर्च 300 कोटी रुपये इतका आहे.
- या लग्नात सर्वात जास्त खर्च सुरक्षेवर करण्यात आलाय. हा खर्च सरकारी तिजोरीतून केला जाणार आहे.
- मेगन मार्कल ही तिच्या लग्नाच्या ड्रेसचा खर्च स्वत: देणार आहे. 90 लाख 80 हजार इतकी तिच्या ड्रेसची किंमत आहे.
- हे लग्न सेंट जॉर्ज चॅपेल, विंडसर कॅसलमध्ये होणार आहे. हे महल जगातल्या सर्वात जुन्या महलांपैकी आहेत.
- या लग्नात 600 लोकांना निमंत्रित करण्यात आलंय. वेडिंग रिंग वेल्सच्या खाणीतून काढण्यात आलेल्या सोन्यापासून तयार करण्यात आलीये.