पंतप्रधान नरेंद्र मोदी यांच्या आगामी अमेरिका दौऱ्याच्या पार्श्वभूमीवर, भारताने संयुक्त राष्ट्रात इस्रायल-पॅलेस्टाईन संघर्षावर अत्यंत महत्त्वाची भूमिका घेतली आहे. इस्रायलने वेस्ट बँक आणि पूर्व जेरुसलेममध्ये केलेल्या ताब्याबाबत टीका करणाऱ्या देशांच्या यादीत भारत अधिकृतपणे सामील झाला आहे. भारताने संयुक्त राष्ट्रात इस्रायलविरोधी मांडलेल्या प्रस्तावाच्या बाजूने मतदान केले आहे.'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!
भारताची ही भूमिका आंतरराष्ट्रीय स्तरावर खळबळजनक मानली जात आहे, कारण भारत आणि इस्रायल यांच्यात अत्यंत घनिष्ठ संरक्षण आणि राजनैतिक संबंध आहेत. मात्र, भारताने नेहमीच 'दोन राष्ट्र' सिद्धांताचा पुरस्कार केला आहे. ताज्या मतदानाद्वारे भारताने स्पष्ट केले आहे की, आंतरराष्ट्रीय कायद्यांचे उल्लंघन करून केलेले कोणतेही आक्रमण समर्थनीय नाही.
मोदींच्या दौऱ्यापूर्वीची रणनीती?पंतप्रधान मोदी लवकरच इस्रायल दौरा करणार असून तेथे ते अध्यक्ष नेतन्याहू यांच्याशी चर्चा करणार आहेत. या दौऱ्यापूर्वी भारताने घेतलेली ही भूमिका 'बॅलन्सिंग ॲक्ट' मानली जात आहे. एकीकडे इस्रायलसोबत मैत्री जपतानाच, दुसरीकडे ग्लोबल साऊथ आणि अरब राष्ट्रांच्या भावनांचाही भारताने विचार केल्याचे दिसत आहे.
प्रस्तावात काय म्हटले आहे?संयुक्त राष्ट्रांच्या महासभेतील या प्रस्तावात इस्रायलने व्यापलेल्या प्रदेशांमधील वस्त्यांचे बांधकाम थांबवण्याचे आणि पॅलेस्टिनी जनतेच्या मानवी हक्कांचे रक्षण करण्याचे आवाहन करण्यात आले आहे. या प्रस्तावाच्या बाजूने भारतासह अनेक महत्त्वाच्या देशांनी मतदान केले, तर काही पाश्चिमात्य देशांनी मतदानापासून दूर राहणे पसंत केले.
Web Summary : Ahead of Modi's US visit, India voted against Israel at the UN, backing a resolution supporting Palestinian rights. This move balances India's close ties with Israel and its support for the 'two-state' solution, considering global opinions.
Web Summary : मोदी की अमेरिका यात्रा से पहले, भारत ने संयुक्त राष्ट्र में इस्राइल के खिलाफ मतदान किया, फिलिस्तीनी अधिकारों का समर्थन किया। यह कदम इस्राइल के साथ भारत के करीबी संबंधों और 'दो-राज्य' समाधान के लिए उसके समर्थन को संतुलित करता है।