Pakistan Former PM Imran Khan Arrest: पाकिस्तानचे माजी पंतप्रधान इम्रान खान यांना अटक करण्यात आली आहे. भ्रष्टाचाराच्या आरोपााखाली त्यांनी इस्लामाबादमध्ये अटक करण्यात आली असल्याची माहिती समोर येत आहे.
पाकिस्तानचे माजी पंतप्रधान इमरान खान यांना इस्लामाबाद कोर्टाच्या बाहेर अटक करण्यात आली आहे. पाकिस्तानी रेंजर्सने त्यांना अटक केली आहे. इमरान खान यांना अटक केल्यानंतर त्यांचे समर्थक संतप्त झाले आहेत. इम्रानच्या अटकेनंतर पीटीआयने निषेधाची घोषणा केली आहे.
विशेष म्हणजे इम्रान खान यांनी अटक होण्याआधी त्यांच्या गाडीत बसून एक व्हिडिओ तयार केला. यामध्ये माझ्यावर एकही केस नाही. त्यांना मला तुरुंगात टाकायचे आहे, असा दावा केला होता. तसेच मी त्यासाठी तयार आहे, असे इम्रान खान यांनी अटक होण्यापूर्वी म्हटल्याचे या व्हिडिओमधून दिसून येत आहे. इम्रान खान यांच्या या दाव्यानंतर त्यांना काही क्षणातचं अटक झाली.
दरम्यान, सध्या पाकिस्तानमधील परिस्थिती सामान्य असून ती चिघळण्याची जास्त शक्यता आहे, त्यामुळे पाकिस्तानमधील काही शहरात कलम १४४ लागू करण्यात आलं आहे. कोणी नियमांच उल्लंघन केलं, तर त्याच्याविरोधात कठोर कारवाई करण्यात येईल, असं पाकिस्तानच्या पोलीस महानिरीक्षक यांनी स्पष्ट केलं आहे.