जॉर्जिया- अमेरिकेतील जॉर्जियामध्ये झालेल्या गोळीबारामध्ये भारतीय वंशाच्या एका नागरिकाचा मृत्यू झाला आहे आणि दुसरी एक व्यक्ती गंभीर जखमी झाली आहे. दोन्ही गोळीबार वेगवेगळ्या स्टोअर्समध्ये झाले आहेत.
परमजीत सिंग या ४४ वर्षाच्या व्यक्तीचे प्राण या गोळीबारात गेले आहेत. परमजीत सिंग यांना मारल्यानंतर गोळीबार करणारा माणूस १० मिनिटांमध्ये एल्म स्ट्रीट फूड अँड बिव्हरेज या स्टोअरमध्ये गेला. या स्टोअरमध्ये ३० वर्षांचा युवक पार्थी पटेल याच्यावर गोळ्या झाडून तेथील पैसेही मारेकरऱ्याने चोरले. पार्थी पटेल यांची प्रकृती अत्यंत गंभीर आहे. याप्रकरणी संशयीत म्हणून लॅमर राशद निकोल्सन याला अटक करण्यात आली असून त्याच्यावर हत्या, लूट असे विविध आरोप त्याच्यावर ठेवण्यात आले आहेत.