इराणवर दुहेरी संकट! युद्धाच्या भडक्यात भूकंपाचा धक्का; इराणच्या अणू प्रकल्पांजवळ भूकंप; ट्रम्प यांचाही मोठा इशारा

इराणमधील 'गेराश' भागात ४.३ रिश्टर स्केल तीव्रतेचा भूकंप झाला असल्याची माहिती अमेरिकन भूवैज्ञानिक सर्वेक्षणाने (USGS) दिली आहे. या भूकंपाचा केंद्रबिंदू १० किलोमीटर जमिनीखाली होता.

आधीच युद्धाच्या भीषण आगीत होरपळत असणाऱ्या इराणमध्ये आता भूकंपाचे धक्के जाणवले आहेत. इराणमधील 'गेराश' भागात ४.३ रिश्टर स्केल तीव्रतेचा भूकंप झाला असल्याची माहिती अमेरिकन भूवैज्ञानिक सर्वेक्षणाने (USGS) दिली आहे. या भूकंपाचा केंद्रबिंदू १० किलोमीटर जमिनीखाली होता.

धोरणात्मक ठिकाणांशी जवळीकज्या गेराश भागात हा भूकंपाचे धक्के जाणवले, ते ठिकाण दक्षिण इराणमधील महत्वाचे ऊर्जा प्रकल्प, बंदर आणि लष्करी तळांना जोडणाऱ्या एका महत्त्वाच्या कॉरिडॉरवर स्थित आहे. विशेष म्हणजे, गचीन युरेनियम खाण या ठिकाणापासून साधारण १५०-१८० किलोमीटर अंतरावर आहे, जी इराणच्या युरेनियम स्त्रोतांपैकी एक महत्त्वाची खाण आहे. 

इराणचा 'बुशहर' हा अणुऊर्जा प्रकल्प देखील गेराशपासून २५०-३०० किलोमीटर अंतरावर नेऋत्तेला आहे. सुदैवाने, या भूकंपामुळे अणुकेंद्रांचे नुकसान झाल्याची किंवा किरणोत्सर्गाची कोणतीही अधिकृत माहिती अद्याप समोर आलेली नाही.

'मिसाईल सिटी' आणि लष्करी तणावमहत्वाचे म्हणजे, दक्षिण इराणचा हा भाग, विशेषतः झाग्रोस पर्वतरांगांशी जोडलेला भाग, येथे जमिनीखालील क्षेपणास्त्र साठवणूक आणि प्रक्षेपण केंद्रे आहेत. इराणमध्ये या ठिकाणांना 'मिसाईल सिटी' (Missile Cities) देखील म्हटले जाते. हे ठिकाण लष्करी हल्ले आणि नैसर्गिक आपत्ती दोन्हीं सोसण्याच्या दृष्टीने तयार करण्यात आले आहे.

ट्रम्प यांचा इशारा -खरे तर, निसर्गाच्या या प्रकोपादरम्यान युद्धाचा धोकाही कायम आहे. डोनाल्ड ट्रम्प यांनी नुकताच इशारा इशारा दिला आहे की, "इराणविरुद्धची लष्करी मोहीम ही सुरुवातीला गृहीत धरलेल्या ४ ते ५ आठवड्यांच्या कालावधीपेक्षा कितीतरी अधिक काळ सुरू ठेवण्यास अमेरिका पूर्णपणे सक्षम आहे." यातच इराणही संपूर्ण ताकदीनिशी अमेरिका आणि इस्रायलचा सामना करत आहे.