अमेरिकेचे राष्ट्राध्यक्ष डोनाल्ड ट्रम्प आणि युक्रेनचे राष्ट्राध्यक्ष वोलोदिमिर झेलेंस्की यांच्यात व्हाईट हाऊसमध्ये नुकतीच झालेली भेट अत्यंत तणावपूर्ण आणि वादळी ठरली. रशियाविरुद्धच्या लढाईसाठी अमेरिकेकडून नवीन शस्त्रास्त्रांची अपेक्षा ठेवून आलेल्या झेलेंस्की यांना ट्रम्प यांनी शांततेचा आणि शरणागतीचा सल्ला दिला.
वृत्तसंस्था रॉयटर्सनुसार, सुमारे २ तास चाललेल्या या बैठकीत अनेकदा जोरदार शाब्दिक चकमक झाली. ट्रम्प यांनी रागाने ओरडत आणि कठोर शब्दांत झेलेंस्की यांना ठणकावले की, "युक्रेन युद्ध हरत आहे आणि त्यांनी रशियाच्या अटी मान्य करायला हव्यात."
जर युक्रेनने रशियाचे म्हणणे ऐकले नाही, तर राष्ट्राध्यक्ष व्लादिमीर पुतिन यांच्यात युक्रेनला पूर्णपणे नष्ट करण्याची क्षमता आहे, असे म्हणत ट्रम्प यांनी नकाशा बाजुला फेकून दिला. तसेच संपूर्ण डोनबास प्रदेश रशियाच्या ताब्यात देण्यास सांगितले.
काही दिवसांपूर्वीच ट्रम्प यांनी रशियाविरोधात धमकी देताना अमेरिकेची टॉमहॉक क्षेपणास्त्रे युक्रेनला देऊ, असे म्हटले होते. या अपेक्षेने झेलेन्स्की आले होते. परंतू, ट्रम्प यांनी झेलेन्स्की यांची मागणी फेटाळून लावली. तसेच माझे लक्ष आता शांतता करारावर आहे, युक्रेनची लष्करी शक्ती वाढवण्यावर नाही, असे सांगितले. येत्या काही आठवड्यांत होऊ घातलेल्या हंगेरीमध्ये पुतिन यांच्यासोबत होणाऱ्या भेटीवर आपला भर असल्याचे ट्रम्प यांनी सांगितले. ट्रम्प यांनी दोन्ही देशांनी जिथे लढाई सुरू आहे, तिथेच थांबावे आणि तातडीने हत्या थांबवावी, असे आवाहन केले आहे.
Web Summary : Trump and Zelensky had a tense White House meeting. Trump urged Zelensky to accept Russian terms, suggesting Ukraine was losing. He dismissed further military aid, focusing on a peace deal and meeting with Putin. He emphasized halting the conflict where it stands.
Web Summary : ट्रम्प और ज़ेलेंस्की की व्हाइट हाउस में तनावपूर्ण मुलाकात हुई। ट्रम्प ने ज़ेलेंस्की से रूसी शर्तों को स्वीकार करने का आग्रह किया और कहा कि यूक्रेन हार रहा है। उन्होंने सैन्य सहायता से इनकार करते हुए पुतिन के साथ शांति समझौते पर ध्यान केंद्रित करने की बात कही।