अमेरिका-इस्रायलने इराणवर हल्ले केल्यानंतर मध्य पूर्वेत युद्धाला तोंड फुटले. हा संघर्ष वाढला असून, इराणच्या परराष्ट्र मंत्र्यांनी अमेरिकेचे अध्यक्ष डोनाल्ड ट्रम्प यांना चर्चेचे गांभीर्य नसल्याचा आरोप अप्रत्यक्षपणे केला आहे. अणुऊर्जेवरील चर्चा ट्रम्प यांना संपत्तीची देवाण-घेवाण करण्यासारखी वाटते, अशा शब्दात परराष्ट्र मंत्री अब्बास अरागची यांनी सुनावले.
इराणचे मंत्री ट्रम्प यांच्याबद्दल काय बोलले?
इराणचे परराष्ट्र मंत्री अब्बास अरागची यांनी एक पोस्ट केली आहे. अरागची म्हणाले, "जेव्हा अवघड अशा अणुऊर्जेवरील चर्चेला संपत्तीच्या खरेदी-विक्रीचा व्यवहार असल्यासारखे समजले जाते. जेव्हा मोठ्या खोट्या गोष्टी सत्य गोष्टींना झाकून टाकते, तेव्हा त्या अपेक्षा पूर्ण होऊ शकत नाही, ज्या वास्तवापासून दूर आहेत."
"याचा परिणाम म्हणजे रागातच चर्चेचा टेबल बॉम्बने उडवण्यासारखे आहे. ट्रम्प यांनी डिप्लोमसीसोबतच त्या अमेरिकन लोकांचाही विश्वासघात केला आहे, ज्यांनी त्यांना निवडून दिले आहे", अशी टीका अरागची यांनी केली.
मंगळवारी बोलताना अमेरिकेचे अध्यक्ष ट्रम्प यांनी असा दावा केला होता की, इराणला चर्चा करायची आहे, पण आता खूप उशीर झाला आहे. ट्रम्प यांचा दावा इराणने फेटाळला होता. इराणचे संरक्षणप्रमुख अली लारीजानी यांनी म्हटले होते की, आम्ही अमेरिकेसोबत चर्चा करणार नाही.
इराणला इस्रायलची नवी धमकी
अयातुल्लाह अली खामेनेई यांचा दफनविधी होणार आहे. त्यांच्या दफनविधीपूर्वी त्यांचे पार्थिव अंत्यदर्शनासाठी ठेवले जाणार आहे. दरम्यान, इस्रायलचे संरक्षण मंत्री इसरायल कात्झ यांनी इराणला धमकी दिली आहे. "जो कोणी उत्तराधिकारी इस्रायलला संपवण्याचा प्रयत्न करेन किंवा अमेरिकेला धमक्या देईल आणि इराणच्या लोकांना दाबून ठेवेन, तोच आमचे टार्गेट असेल", असे कात्झ यांनी म्हटले आहे.
ट्रम्प यांची स्पेनला धमकी
अमेरिकेचे अध्यक्ष ट्रम्प यांनी स्पेनला व्यापार बंद करण्याची धमकी दिली आहे. अमेरिकेला इराणविरोधात लढण्यासाठी स्पेनमधील लष्करी तळांचा वापर करायचा आहे. मात्र, या लष्करी तळांचा वापर करण्यास स्पेनने अमेरिकाला नकार दिला.
ट्रम्प व्हाईट हाऊसमध्ये बोलताना म्हणाले, "आम्ही स्पेनसोबतचा सर्व व्यापार बंद करू शकतो. आम्हाला स्पेनसोबत कोणताही व्यवहार ठेवायचा नाहीये. स्पेनचे वागणे खूपच वाईट झाले आहे."
"स्पेनने आम्हाला त्यांचे लष्करी तळ वापरण्यास नकार दिला आहे. पण, आमची ठरवले तर थेट त्यांच्या लष्करी तळांचा वापर करू शकतो. पण, आम्हाला त्याची गरज पडणार नाही. स्पेनकडे चांगल्या लोकांशिवाय कोणतीही चांगली गोष्ट नाहीये, ज्याची आम्हाला गरज पडेल. आम्ही स्पेनसोबतचे सर्व संबंध तोडू", असे ट्रम्प म्हणाले आहेत.
Web Summary : Iranian minister criticizes Trump, viewing nuclear talks as property deals, not serious diplomacy. Iran rejects talks with US, while Israel threatens retaliation against future Iranian leaders. Trump threatens Spain over military base access denial.
Web Summary : ईरानी मंत्री ने ट्रम्प की आलोचना की, परमाणु वार्ता को संपत्ति सौदे के रूप में देखते हुए, गंभीर कूटनीति नहीं। ईरान ने अमेरिका के साथ बातचीत से इनकार किया, जबकि इजरायल ने भविष्य के ईरानी नेताओं के खिलाफ जवाबी कार्रवाई की धमकी दी। सैन्य अड्डे की पहुंच से इनकार करने पर ट्रम्प ने स्पेन को धमकी दी।