Woman Found Eaten By Pet Dog: आपण बऱ्याचदा ऐकत असतो की, पाळीव श्वान लोकांचा जीव वाचवतात. ते मालकांचा जीव वाचवण्यासाठी आपला जीव धोक्यात टाकतात. पण अनेकदा असंही होतं की, पाळीव श्वानच मालकांना नुकसान पोहोचवतात. अशीच एक घटना समोर आली आहे. ज्यात एका पाळीव श्वानाने महिलेला खाल्लं.
घरातून येत होता वास
ही घटना अर्जेंटीनाच्या सांता रोजामधील आहे. डेली स्टारच्या एका रिपोर्टनुसार, या महिलेचं नाव एना इनेस डे मारोटे होतं. महिलेचं घर विमानतळाच्या बाजूलाच आहे. तेच महिला तिच्या घरात बऱ्याच वर्षापासून एकटीच राहत होती. साधारण एक आठवड्यापासून ती लोकांनाही भेटली नव्हती. नंतर अचानक शेजाऱ्यांना जाणवलं की, दोन-तीन दिवसांपासून तिच्या घरातून वास येत आहे.
आढळून आला महिलेचा मृतदेह
लोकांना वाटलं की, हा वास काही दिवसांनी येणार नाही. पण दिवसेंदिवस तो वाढत गेला. त्यांना संशय आला आणि त्यांनी पोलिसांना फोन केला. पोलिसांनी चौकशी सुरू केली आणि त्यांनाही समजलं की, महिलेच्या घरातूनच वास येतोय. महिलेचं घर मोठं होतं. जेव्हा दरवाजा उघडला तर तिचा पाळीव श्वान दिसला आणि महिलेचा मृतदेह पडलेला दिसला.
महिलेचा मृतदेह अशा स्थितीत होता की, त्याकडे बघितलंही जात नव्हतं. पोलिसांना आढळलं की, महिलेचा मृत्यू झाला आहे आणि मृत्यूनंतर तिचा श्वान तिचं शरीर खात आहे. इतकंच नाही तर त्याच्यासोबत इतरही चार श्वान आले होते. सध्या श्वानाला ताब्यात घेण्यात आलं आहे आणि या प्रकरणाची चौकशी केली जात आहे. महिलेच्या नातेवाईकांनाही विचारलं जात आहे.