जगभरातील कोरोनाग्रस्तांची संख्या ही सातत्याने वाढत आहे. वेगाने पसरणाऱ्या आणि भीतीचे वातावरण निर्माण करणाऱ्या कोरोनामुळे आतापर्यत 613,213 हून अधिक लोकांना आपला जीव गमवावा लागला आहे. तर 14,852,700 लोकांना त्याचा संसर्ग झाल्याची माहिती मिळत आहे. तर 8,906,690 लोक बरे झाल्याची माहिती मिळत आहे. जगभरात कोरोनाचा कहर पाहायला मिळत आहे. सर्वच देश कोरोनाशी सामना करत आहेत. याच दरम्यान अनेक मन सुन्न करणाऱ्या घटना देखील सातत्याने समोर येत आहेत.
जगभरात कोरोनाग्रस्तांवर उपचार सुरू आहेत. रुग्णाला कोरोनाची लागण झाल्यामळे नातेवाईकांना रुग्णालयात त्यांची भेट घेण्यासाठी जाता येत नाही. कोरोनाच्या संकटात सोशल डिस्टंसिंग हे अत्यंत महत्त्वाचं आहे. रुग्णालयात खास कोरोना वॉर्ड तयार करण्यात आले असून काही वैद्यकिय कर्मचाऱ्यांनाच वॉर्डमध्ये प्रवेश आहे. याच दरम्यान एका मुलाचा फोटो सोशल मीडियावर जोरदार व्हायरल होत आहे. रुग्णालयात उपचार सुरू असलेल्या आईला पाहता यावं यासाठी एक मुलगा दररोज रुग्णालयाच्या इमारतीवर चढून खिडकीतून आईला पाहत असल्याचं फोटोमध्ये दिसत आहे.
एका महिलेला कोरोनाची लागण झाल्यानंतर उपचारासाठी रुग्णालयात दाखल करण्यात आले होते. तेथे तिच्यावर उपचार सुरू होते. मात्र या दरम्यान तिच्या मुलाला रुग्णालयात जाण्याची परवानगी नव्हती. त्यामुळे मुलगा दररोज रुग्णालयाच्या इमारतीवर चढून आपल्या आजारी आईच्या खिडकीपाशी जाऊन तिला पाहत असायचा. एका ट्विटर युजरने मुलाचे काही फोटो शेअर करून याबाबत माहिती दिली आहे.
गेल्या अनेक दिवसांपासून मुलगा आईला पाहण्यासाठी इमारतीवर चढत होता. मात्र त्याच्या आईचं आता निधन झाल्याची माहिती मिळत आहे. 'आई खूप जास्त जवळची होती. म्हणूनच तिच्या शेवटच्या क्षणी तिला आयसीयूच्या खिडकीतून पाहायचो. याआधी वडिलांचं काही वर्षांपूर्वी निधन झालं आता आईही सोडून गेली' अशी प्रतिक्रिया मुलाने स्थानिक माध्यमांना दिली आहे. एका हिंदी वेबसाईटने याबाबतचे वृत्त दिले आहे.
महत्त्वाच्या बातम्या
धक्कादायक! ...म्हणून चिमुकल्यावर आली आईसह रुग्णालयात स्ट्रेचर ओढण्याची वेळ
"पवार साहेब, मोदी-शाह तुमच्या म्हणण्याप्रमाणे चालले असते तर देशाची ही अवस्था झाली नसती"
CoronaVirus News : धक्कादायक! कोरोना रुग्णालयात डुक्करांचा मुक्त संचार; Video जोरदार व्हायरल
CoronaVirus News : इथे ओशाळली माणुसकी! ...अन् रुग्णालयाबाहेर भर पावसात कित्येक तास पडून होती महिला