मलेशियामध्ये सध्या अनेक घरांवर पांढऱ्या रंगाचा ध्वज फडकताना दिसत आहे. हा त्या देशाचा झेंडा नाही परंतु एका विशेष कारणामुळे लोकांच्या घरावर हा झेंडा फडकतोय. कोरोनामुळे मलेशिया या देशाची अवस्था अंत्यंत बिकट झाली आहे. देशात कडक लॉकडाऊन लावण्यात आले आहे. अशात रोजगार बंद झाल्याने अनेकांच्या घरी खाण्यापिण्याचंही सामान नाही. त्यामुळे मदत मागण्यासाठी या लोकांनी घरावर सफेद रंगाचा झेंडा फडकवला आहे. या झेंड्याला White Flag Campaign असंही म्हटलं जातं.
कोरोनाच्या विळख्यात अडकलं मलेशिया
मंगळवारी मलेशियात कोरोनाचे ७ हजाराहून अधिक रुग्ण आढळले. गेल्या महिन्याभरात हा सर्वाधिक आकडा आहे. राजधानी कुआलालंपूरमध्ये १५ पेक्षा अधिक रुग्ण आढळले. ताज्या आकडेवारीनुसार संक्रमणाची वाढणारी संख्या आणि मृत्यूच्या वाढत्या संख्येने चिंतेत असणाऱ्या सरकारने देशात कडक लॉकडाऊन लावला आहे. ही आहे मलेशियातील कोरोना संक्रमणाची परिस्थिती परंतु याचं सफेद झेंड्यासोबत मोठं कनेक्शन आहे.
सफेद झेंडा आणि कोरोनाचं कनेक्शन काय?
मागील आठवड्यापासून लोकांनी घरावर सफेद रंगाचा झेंडा लावण्यास सुरूवात केली आहे. याचा अर्थ ज्या घरावर झेंडा लावला आहे त्याच्या घरात खाण्यापिण्याची समस्या अथवा कुणी आरोग्य समस्येने त्रस्त आहे. हा झेंडा किंवा सफेद कपडाही असू शकतो. (white flag in Malaysia linked with Covid) हा झेंडा पाहून आसपासचे लोक आणि आरोग्य विभागही सतर्क होऊन तात्काळ मदत घेऊन त्याच्या घरी पोहचू शकतं. लॉकडाऊन काळात अत्यावश्यक काम वगळता लोकांना बाहेर पडण्यास बंदी आहे. त्यामुळे लोकांना मदत करण्यासाठी सफेद रंगाचा झेंडा खूप फायदेशीर ठरत असल्याचं बोललं जात आहे.
याशिवाय एक SOS अँपही विकसित
या अँपच्या माध्यमातून मलेशियातील त्या फूड बँकेचा वापर करू शकतो ज्याठिकाणाहून लोकांना मोफत चविष्ट अन्न पुरवलं जातं. केवळ सामाजिक संस्था नाही तर मलेशियातील पेनेंग प्रांतातील मच्छिमारही लोकांच्या मदतीसाठी सरसावले आहेत. ते ताजे मासे गरजू लोकांकडे पोहचवतात ज्यामुळे त्यांना आहार मिळू शकेल. ही सगळी मदत अशा लोकांसाठी मिळते ज्यांनी त्यांच्या घरावर सफेद रंगाचा झेंडा फडकवला आहे. लॉकडाऊन काळात जे कुणी त्रस्त आहेत, जगण्यासाठी संघर्ष करत आहेत अशा लोकांनी त्यांच्या घरावर पांढऱ्या रंगाचा झेंडा लावला आहे.
सफेंद झेंडाच का?
सफेद रंगामागेही एक इतिहास आहे. आतापर्यंत सफेद रंगाचा वापर शांती आणि युद्धविरामसाठी वापरला जातो. जर कुणी सफेद रंगाचा झेंडा वापरला तर त्याचा अर्थ त्याच्यावर आक्रमण करू नका. शांतीने चर्चा करा. मलेशियात या रंगाचा झेंडा वापरण्यामागे लोकांनी त्यांची मदत करावी असा आहे. मलेशियात काळा झेंडाही फडकवण्यात आला आहे. ज्या लोकांना सरकारविरोधात राग आहे.विद्यमान पंतप्रधान मोहिउद्दीन यासीन यांनी सत्तेतून पायउतार व्हावं यासाठी काळे झेंडे लावले होते. पोलीस सध्या या सगळ्यांची चौकशी करत आहेत.